भांगरभूंय | प्रतिनिधी
इटानगरः अरुणाचल प्रदेशाचे मुख्यमंत्री पेमा खांडू आनी उपमुख्यमंत्री चौना मीन हांचे वांगडा भारतीय जनता पक्षाचे धा उमेदवार विधानसभेंत विरोधा विणें वेंचून आयले. अरुणाचलांतल्या ६० विधानसभा जाग्यां खातीर १९ एप्रीलाक मतदान जातलें. शेनवारा उमेदवारी पत्रां फाटीं घेवपाचो निमाणो दीस आशिल्लो.
पेमा खंडू हे तवांग जिल्ह्यांतल्या मुक्त मतदारसंघांतल्यान विरोध विणें वेंचून आयले. जाल्यार चौन मीना हे चौखम हांगच्यान वेंचून आयले. हांगाचो कॉंग्रेसीचो उमेदवार फाटीं सरलो. स मतदारांनी फकत एक उमेदवार आसलो जाल्यार शेनवारा उरिल्ले उमेदवार फाटीं सरले अशें मुखेल वेंचणूक अधिकारी पवन कुमार सेन हांणी स्पश्ट केलें.
खांडू हे चवथे खेपे विधानसभेंत वेंचून आयल्यात. २०१० वर्साचे पोटवेंचणुकेंत ते मुक्तो मतदारसंघांतल्यान विरोधा बगर जिखिल्ले. २०१४ आनी १९ वर्सा ते भोव मतांचो जिखून आयिल्लो.
विधानसभे वांगडाच अरुणाचल प्रदेशांतल्या उदेंत आनी अस्तंत अरुणाचल ह्या दोन लोकसभा मतदारसंघांत १९ एप्रीलाक मतदान जातलें. ते खातीर १४ उमेदवार वेंचणुकेक देंवल्यात. ह्यान पयलीं २०१९ वर्साय विधानसभेंत भाजपाचे तीन उमेदवार विरोधा विणें जिखून आयिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
