भांगरभूंय | प्रतिनिधी
डॉ. प्रभू हलकट्टी आनी पंगडाची कामगिरी : 70 वर्सांच्या दुयेंतीचेर उपचार – लायट
पणजी : फकत दोन वर्सांच्या काळांत अरिहंत हाॅस्पिटलान कितल्याश्याच दुर्मीळ दुयेंसांचेर येसस्वी उपचार करून दुयेंतींक नवजीवन दिलां. हालींच 70 वर्सांच्या दुयेंतीचेर मायक्रा पेसमेकर इम्प्लांटेशन प्रक्रिया करून ताका पुनर्जल्म दिला. ताका लागून अरिहंत हॉस्पिटलान बेळगांव सयत उत्तर कर्नाटकांत मानाचो तुरो खोयला. हातूंतल्यान हॉस्पिटलाची एक म्हत्त्वपूर्ण कामगिरी अधोरेखीत जाता. डॉ. प्रभू हलकट्टी हांच्या फुडारपणा खाला कॅथ लॅब पंगडान ही कामगिरी येसस्वीपणान पूर्ण केली.
ह्या दुयेंतीक कांय दीस त्रास जातालो. घुंवळ येवप, 20 सेकंदा खातीर शुद्ध वचप, मजगतीं दोळे वयले दिकेन वळप आदी समस्या जाताल्यो. ताका लागून दुयेंतीक तीन फावटीं हाॅस्पिटलांत दाखल केलो. तातूंत ताची पिराय 70 आशिल्ल्यान ताका गंभीर परिस्थितीक तोंड दिवचें पडटालें. पूण डॉ. प्रभू हलकट्टी हांणी त्या दुयेंतीच्यो सगल्यो तपासण्यो करून घेतल्यो. त्या वेळार पुराय हार्ट
ब्लाॅक आशिल्ल्याचें निदान जालें. ताका लागून धोको स्विकारून उपचार करपाचो निर्णय घेवन डॉ. प्रभू हलकट्टी आनी सांगात्यांनी ह्या दुयेंतीक मायक्रा पेसमेकर बसयलें.
सुरवातीक काळजाचे ठोके कमी आशिल्ल्यान दुयेंतीक पेसमेकर बसोवपाची गरज आसली. ताका लागून डीडीडीआर (ड्युअल चेंबर सेंट ज्यूड्स पेसमेकर)चें रोपण केलें.
पूण जखमेक संसर्ग जाल्ल्यान परत हाॅस्पिटलांत दाखल करून उपचार केले. पूण कांय दिसां उपरांत परत त्रास सुरू जाल्ल्यान तिसरे फावटीं दाखल केलो. ह्या वेळार दुयेंतीक कायमस्वरूपी पेसमेकर बसोवपाची गरज आसली. मात पुनर्रोपण करतकच संसर्ग जावपाचे जोखमीक लागून दुयेंती खातीर मायक्रा पेसमेकराचो पर्याय वेंचलो. जो उण्या त्रासाचो आनी प्रगत तंत्रज्ञाना खातीर वळखतात. ही अभिनव प्रक्रिया डॉ. प्रभू हलकट्टी, डॉ. अंबरीश नेर्लीकर आनी कुशल कॅथ लॅब पंगडाचे कुशळटायेन येसस्वीपणान केली. सहकाररत्न रावसाहेब पाटील, संचालक अभिनंदन पाटील, युवा फुडारी उत्तम पाटील हांणी टेलिफोना वरवीं संपर्क सादून दुयेंतीची विचारपूस केली आनी दोतोर आनी पंगडाचें कवतूक केलें.
मायक्रा पेसमेकर प्रक्रिया
मायक्रा पेसमेकर हे काळजाचे ठोके उणे वा अनियमीत लय आशिल्ल्या दुयेंतीं खातीर विकसीत केलां. ताका लागून दुयेंतींक ताचो मोटो लाव जाता. तशेंच संसर्गाचो धोको उणो आनी काळजाक पुनर्प्राप्ती ठोके गतिमान जातात. त्याच वांगडा लीड्सा बगर तें विस्थापन वा फ्रॅक्चरा सारकी गुंतागुंत उणी करता. दीर्घकालीन विश्वासार्हता सुनिश्चीत करून बॅटरीचें आयुश्य 12 वर्सां मेरेन वाडूंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
