भांगरभूंय | प्रतिनिधी
अमोघ देसाय आनी मुखेली दीपराज गांवकार हांच्या शेंकड्यां नेटार साळगांवकार क्रिकेट क्लबान चौगुले स्पोर्ट्स क्लबा आड जीपीएल तीन दिसांचे लडतीच्या पयल्या दिसा आपल्या पयल्या डावांत 4 विकेटी वगडावन 286 अशी धांवसंख्या उबारली.
अमोघ देसायान 196 बॉलांनी 107 धांवड्यो केल्यो. ताणें 14 चवके मारले, जाल्यार दीपराजान 93 बॉलांनी नाबाद 102 धांवड्यो केल्यो. ताणें 11 चवके आनी दोन सके मारले.
मॅचीक काल सावन सांगें क्रिकेट अकादमीच्या मैदानाचेर सुरवात जाली. अमोघान आदित्य सुर्यवंशी वांगडा दुसरे विकेटी खातीर 112 धांवड्यांची भागिदारी केली. खेळ सोंपलो त्या वेळार दीपराज गांवकार आनी यश कसवणकार खेळपट्टीचेर आशिल्ले. चौगुले क्लबा खातीर मोहित रेडकार, जगदीश पाटील आनी सचिन मिश्रा हांणी दरेकी एक विकेट घेतली.
थोडे भितर धांवतकटोः साळगांवकार क्रिकेट क्लब, (पयलो डाव) 82 ओव्हरींनी 4 बाद 286 धांवड्यो (अमोघ देसाय 107, मुकूल कसाना 11, आदित्य सुर्यवंशी 44, दीपराज गांवकार खेळटा 102, दिशांन मिस्कीन 0, यश कसवणकार नाबाद 12 धांवड्यो, मोहित रेडकार 1-98, जगदीश पाटील 1-45, सचिन मिश्रा 1-24).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
