भांगरभूंय | प्रतिनिधी
जम्मू: आयज पसून फुडल्या ५७ दिसा ग्रेटर हिमालयाच्या उंच दरयेंत बाबा बर्फानीचो जयजयकार जातलो. अमरनाथ यात्रा सुरू जाल्या. २८ ऑगस्ट मेरेन ४ लाखां परस चड भावीक ३,८८८ मिटर उंचायेर आशिल्ले पवित्र गुफेंत सैमीक तरेन तयार जाल्ल्या शिवलिंगाचें दर्शन घेवपाक मेळटलें.
बिरेस्तारा जम्मू-काश्मीरचे उपराज्यपाल मनोज सिन्हा हांणी पयल्या भागाक जम्मूच्या भगवती बेस कॅम्पांतल्यान बालटाल आनी पहलगामा खातीर धाडले. ह्या भागांत ४,८२२ भावीक आसात, जे २५९ वाहनांच्या सेफ कव्हरांतल्यान गेले.
अंदूं काश्मीरचें हवामान तितलेंय बरें ना. हाका लागून भाविकांक दर्शना उपरांत रोखडेंच सकयल देंवचें पडटलें. दरेका २ किमीचेर ऑक्सिजन बूथ लायल्यात. दोमेल मार्गार ४ सुवातांचेर स्क्रिनीचेर हवामानाची अपडेट मिळटली.
विशेश म्हळ्यार, अमरनाथ यात्रा अनंतनागच्या परंपरीक ४८ किलोमीटर लांब नुनवान-पहलगाम मार्गान वा गांदरबल जिल्ह्यांतल्या ल्हान १४ किलोमीटर लांब बालटाल मार्गान करूं येता.
यात्रा अपडेट्स
सेगीत झडपी पावसाक लागून बालटाल मार्गावेली यात्रा कांय काळा खातीर आडयल्या.
शुकगारा सकाळीं सुमार ४ वरांचेर दुसरो गट जम्मूच्या भगवती नगर बेस कॅम्पांतल्यान भायर सरल्या.
दोनूय मार्गांचेर १००-१०० खाटांचीं हॉस्पिटलां
दोनूय यात्रा मार्गांर एक हजार डॉक्टर आनी भलायकी कर्मचारी तैनात आसात. दोनूय सुवातांचेर १००-१०० खाटांची अत्याधुनीक तात्पुरतीं हॉस्पिटलां उबारल्यां.
#AmarnathYatra #Devotees #Hospitality #Hospital #Screens #Arrangement
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
