भांगरभूंय | प्रतिनिधी
म्हापशेंः नामनेची नाट्य अभिनेत्री सम्राज्ञी मराठे (52) हिका मंगळारा सकाळीं आसगांव हांगच्या तांच्या घरा मरण आयलें. कांय दिसां सावन ती दुयेंत आशिल्ली. थळावे मसंडभुंयेंत ताचे कुडीचेर निमणे संस्कार केले.
मराठे हीचें मूळ नांव ज्योती मराठे. लग्न जाल्या उपरांतचें नांव ज्योती चंदू पाटणकर मात तांकां सम्राज्ञी मराठे ह्याच नांवान प्रसिद्धी मेळ्ळी. ती मूळची होंडा-सत्तरीची. तिणे एक हजारापरस चड नाटकांनी भूमिका केल्ल्यो. दिल्लींत जावपी बृहन्मराठी राज्य नाट्य सर्तींत तिणे अभियना खातीरची इनामां मेळयल्ली. सिंधुदुर्ग, सांगली, सातारा, कोल्हापूर हांगा जावपी नाट्य सर्तींत वांटो घेवन तिणे इनामां मेळयल्ली. गोंयांत कला अकादमीच्या अ आनी ब गट नाट्स सर्तींत नाट्य निर्मणी, अभिनय, नाट्यलेखन, दिग्दर्शना खातीर तिका इनामां फावो जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
