भांगरभूंय | प्रतिनिधी
मडगांव, प्रतिनिधीः कोंकण रेल्वे मार्गार धांवपी रेल्वेंनी 2023- 24 ह्या वित्तीय वर्सा 3990 फावटीं तिकेट तपासपाची मोहीम चालीक लायली. तातूंत तिकेट नाशिल्ल्या प्रवाशांची 78,115 प्रकरणां मेळ्ळ्यांत. कोंकण रेल्वेक तांचे कडल्यान वसूल केल्ल्या तालावांतल्यान 21.17 कोटींची येणावळ मेळ्ळी. मुखेल वेवस्थापकी संचालक संतोष झा हांणी तिकेट तपासप्यांचो भोवमान केलो.
कोंकण रेल्वे मार्गाचेर रेल्वेंतल्यान प्रवास करपी प्रवाशांक बरी आनी सुरक्षीत सेवा दिवपा खातीर रेल्वे प्रशासन वावुरता. पूण जायते लोक तिकेट घेनासतना रेल्वेंतल्यान प्रवास करतात. कोंकण रेल्वे प्रशासनान फाटल्या वर्सा बरी कामगिरी करून तिकेट घेनासतना प्रवास करप्यांचेर कारवाय करपी तिकेट तपासप्यांचो भोवमान केलो. 2023- 24 वित्तीय वर्सा कोंकण रेल्वे मार्गाचेर तिकेट घेनासतना प्रवास करप्यां कडल्यान 21 कोटी 17 लाख 80 हजार 741 रुपया दंड एकठांय केला. कोंकण रेल्वेचे अध्यक्ष आनी मुखेल वेवस्थापकीय संचालक संतोष कुमार झा हांणी तिकेट तपासप्यांचो भोवमान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
