भांगरभूंय | प्रतिनिधी
भांगरभूंय । पत्रक
फोंडेंः अजिंक्य चॅस असोसिएशनान ए-आर ट्युशन क्लासेक आनी फोंडें तालुको बुद्दिबळ असोसिएशनाच्या पालवान विद्यार्थी आनी बायलां खातीर श्रीकृष्ण देवळांत प्रशिक्षण शिबीर घेतलें. निमण्या दिसा बुद्दिबळ सर्त घेवन तातूंतल्या जैतिवंतांक फोंडें तालुको बुद्दिबळ असोसिएशनाच अध्यक्ष सागर साकोर्डेकार हांचे हजेरेत इनामां दिली.
हे सर्तींत सनम गावडेन 3.5 गुणांनी पयली सुवात मेळयली. गीता सातर्डेकार, आरती गावडे, तन्वी गावडे आनी चिन्मय गावडे हांका दरेकी दुसरी, तिसरी, चवथी आनी पांचवी सुवात फावो जाली. प्रशिक्षणाच्या समारोप कार्यावळी वेळार अजिंक्य चॅस अकादमीचो मुखेली रवींद्र कुट्टीकार, ए-आर ट्युशन क्लासेसचो आनंद कुट्टीकार, चॅस प्रशिक्षक मिलिंद गावडे, वज्रेश नाटेकार हाजीर आशिल्ले. आनंद आनी सागर साकोर्डेकार हांणी मिशन कुर्टी-चॅसाक तेंको दिवपाचें आवाहन केलें. रवींद्र कुट्टीकारान उपकार मानले. समिक्षा केरकारान उपकार मानले.
प्रशिक्षण शिबिरांत 18 जाणांनी वांटो घेतिल्लो. तातूंत 15 बायलो आनी चलयो आशिल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
