भांगरभूंय | प्रतिनिधी
पणजीः पॅसिफीक म्हासागरांत एल नीनो वातावरण तयार जावपाची शक्यताय आशिल्ल्यान हवामान खात्यान अंदूं गोंयां सयत पुराय देशांत सरासरी परस उण्या पावसाची शक्यताय उक्तायल्या. हे संबंदी खात्यान आयज पावसाचो दुसरो लांब पल्ल्याचो अदमास जारी केला. आदल्या अदमासा प्रमाण पावस सरासरी परस ९२ टक्क्यांनी चड आसतलो. नव्या अदमासांत तो ९० टक्क्यांनी उणो केला. अल निनोच्या काळांत देशांत मान्सूनचें प्रमाण उणें आशिल्लें.
खात्याच्या दुसर्या अंदमासा प्रमाण, पॅसिफीक महासागरांतल्या ‘ला निना’ परिस्थीती सध्या दुबळी जायत आसा. कांय म्हयन्यांत ती एन्सो न्युट्रल जावपाची शक्यताय आसा. उपरांत मान्सून काळांत ‘अल निनो’ परिस्थीती निर्माण जावपाची शक्यताय आसा. अल निनो मान्सूना खातीर फावो अशें नासता. खात्याच्या अंदाजा प्रमाण अंदूं सरासरी परस चड पावस पडपाची शक्यताय शुन्य टक्के आसा.
तशेंच सरासरी परस चड पावसाची शक्यता २ टक्के, सरासरी तिल्याच पावसाची शक्यताय १४ टक्के आसा. सरासरी परस उण्या पावसाची शक्यताय ९० टक्के आसा. खात्या वतीन विवीध वातावरणाच्या घटकांचो आनी मॉडेल्सचो अभ्यास करून मान्सून विशींच्या लांब पल्ल्याचो अदमास जाहीर करतात. गोंयांत जून म्हयन्यांत पावसाचें प्रमाण उणें आसपाची शक्यताय आसा. तशेंच चडांत चड आनी उण्यांत उणें तापमान सरासरी परच चड रावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
