भांगरभूंय | प्रतिनिधी
भांगरभूंय । खेळां मेज
पणजीः युनिटी करंड टी-20 क्रिकेट सर्तींत आयतारा नायट आर्चास पंगडाचो प्रतिकार मोडून काडून अंत्रूज स्ट्रायकर्सान 14 धांवड्यांनी जैाची नोंद केली. डेझटर्स अॅण्ड मोअर अव्हेंजर्सान मठग्राम वॉरियर्साक 23 धांवड्यांनी हारयलें. जीएसबी स्पोर्ट्स अॅण्ड चॅरिटेबल ट्रस्टान गोंय सारस्वत समाजाच्या पालवान ही सर्त आयोजीत केल्या आनी एकसे मैदान मळकर्णे हांगा ह्यो मॅची जाल्यो.
आयतारा जाल्ले मॅचींत अंत्रूज स्ट्रायर्सान कपिन सिनाय बोरकाराच्या बॉलिंगेच्या नेटार माफक लक्ष्याचो येसस्वी बचाव केलो. कपिनान 17 धांवड्यांत 3 विकेटी घेतल्यो. अंत्रुजाच्या 142 धांवड्यांक जाप दितना नायट आर्चसाचो डाव 19.2 ओव्हरींत 128 धांवड्यांत सोपलो. 6 आवट 74 अशी नाजूक स्थिती आसतना निकित नायक दलालाच्या खेळाक लागून तांकां फकत 14 धांवड्यांनी हाऱ खावची पडली.
दुसरे मॅचींत डेझर्ट्स अॅण्ड मोअर अव्हेंजर्सान 179 धांवड्यो केल्यो. सिद्धार्थ घाणेकारान 21 बॉलांत 3 चौके आनी 3 सक्यांनी 39 धांवड्यो केल्यो. लक्ष्याचो फाटलाव करतना मठग्राम वॉरियर्स एका वेळार 2 आवट 117 अशे बरे स्थितींत आशिल्लो मात्र उपरांत तांचो डाव गडगडलो. तातूंत संदीप दलालाच्या निमणे ओव्हरींत ताकां अकूय धांवडी घेवपाक मेळ्ळी ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
