भांगरभूंय | प्रतिनिधी
खबरां संस्था
ब्युनोस आयर्सः अदूं कतारांत जावपी ‘फिफा’ संवसारीक फुटबॉल सर्त म्हजे कारकिर्दींतली निमाणी आसतली अशें अर्जेंटिनाचो कॅप्टन आनी स्टार फोरवर्ड लिओनेल मेसीन सांगलां. 35 वर्सां पिरायेच्या मेसीक अंदू पांचवे फावट संवसारीक सर्तींत खेळपाची संद मेळटली. अर्जेंटिनाचो पंगड फाटल्या 35 मॅचींनी अपराजीत आसा. पोरूं मेसीच्या फुडारपणा खाला ह्या पंगडान कोपा अमेरिका सर्तींचे वस्तादपण मेळयल्लें. ताका लागून अंदूच्या फिफा संवसारीक सर्तींत ते जैताचे मुखेल दावेदार अशें मानतात.
म्हजे कारकिर्दींतली ही निमाणी संवसारीक फुटबॉल सर्त आसतली. ती सुरू जावपाची हांव उमळशिकेन वाट पळयतां. निमणी सर्त आशिल्ल्यान थोडें चेंपण आसा. कताराक वचून दर्जेदाक कामगिरी करून दाखोवपाक हांव तयार आसा असें मेसीन म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
