भांगरभूंय | प्रतिनिधी
भांगरभूंय । पत्रक
फोंडेंः हिंदू राष्ट्र स्थापन करपाक म्हजो पुराय तेंकों आसा अशें मयें मतदारसंघाचो आमदार प्रेमेंद्र शेट हांणी जाहीर केलां. रामनाथी- फोंडें हांगा 10व्या हिंदू राष्ट्र अधिवेशनाक भेट दिल्या उपरांत ते पत्रकारां कडेन उलयताले.
सुरवेक प्रेमेंद्र शेट हांका हिंदू जनजागृती समितीचे धर्म प्रचारक नीलेश सिंगबाळ हांणी येवकार दिवन तांचो भोवमान केलो. तरणाटे पिळगेचेर आर्दश संस्कार करप ही आमची लागणूक आसा. धर्मातर केल्ल्यांक आतां ताचो पश्चाताप जाला हें हांवे पळयला. आमचो धर्म कसो आनी परकी धर्म कसो हें तांकां आतां होलमलां आनी आतां ते परत हिंदू धर्मांत येवपाक सोदतात अशें शेट हांणी सांगलें.
धर्मांतर आडावपाक सगळ्या पांवड्यार यत्न करतात. हिंदू राष्ट्राचो विचार फुडें व्हरप हें सगल्यांचें कर्तव्य आसा अशें शेट हांणी सांगून हिंदू राष्ट्र स्थापनेक तेंको दिवपाक फुडें सरपाचें आवाहन तांणी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
