भांगरभूंय | प्रतिनिधी
खबरां संस्था
नवी दिल्लीः भारतीय हॉकी पंगडांतलो डिफेन्डर हरमनप्रीत सिंगाक सेगीत दुसऱ्या वर्सा ‘एफआयएच’ चो सगळ्यात बरो खेळगडो म्हणून वेंचून काडलां. आंतरराष्ट्रीय हॉकी म्हासंघान ह्या पुरस्काराची घोशणा केली. अंदू हो पुरस्कार मेळोवपी हरमनप्रीत हो तिसरो भारतीय खेळगडो थारला. सेगीत दोन वर्सां सगळ्यांत बरो हॉकी खेळगडो पुरस्कार मेळोवपी हरमनप्रीत हो चवथो खेळगडो आसा. हाचे पयलीं टेऊन डी नूएर (नेदरलँड), जेमी डायर (ऑस्ट्रेलिया) आनी आर्थर व्हॅन डोरेन (बेल्जियम) हांणी सेगीत दोन वर्सां हो पुरस्कार मेळयल्लो.
हरमनप्रीत आर्विल्ल्या काळांतलो अव्वल हॉकी खेळगडो आसा. तो सामको बरो डिफेन्डर आसा. स्टिकांत चेंडू खेळयत दवोरपाची कुशळताय ताचे कडेन आसा अश्या उतरांनी एफआयएचान ताची तुस्त केल्या. भारतीय पंगडाचो व्हायसकॅप्टन आशिल्ल्या रहमनप्रीतान अंदू एफआयएच प्रो लीग हॉकींत 16 मॅचींत 18 गोल केल्यात. पोरूचे आशियाई हॉकी सर्तींत ताणे 6 मॅचींत 8 गोल केल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
