भांगरभूंय | प्रतिनिधी
म्हापशें: हणजूण पुलिसांनी आलगा सेंट फॉर आयुर्वेदीक अॅण्ड हेलींग ह्या बेकायदो मसाज पार्लराचेर धाड घालून फुडले कारवाये खातीर अहवाल जिल्होधिकार्या कडेन धाडला. हणजूण्यां पुलिसांची ही दुसरी कारवाय आसा. तीन दिसां पयलीं होली बेजील ह्या स्पाचेर धाड घाल्ली.
पुलीस उपअधिक्षक जिवबा दळवी, निरिक्षक विक्रम नायक हांच्या फुडारपणा खाला पुलीस पंगडान ही धाड घाली. ह्या वेळार शिवोली भलायकी केंद्राचे अधिकारी डॉ. साधना शेट्ये हाजीर आशिल्ल्यो.
ह्या मसाज पार्लराचे चालक विष्णू पुथूपेरुंंबील (तामिळनाडू) आनी झ्वींगली अमीद (केरळ) हे दोगूय मसाज पार्लर चलोवपा खातीर लागपी गरजेचीं कागदपत्रां सादर करूंक शकले नात.
उपरांत पंचनामो करून पुलिसांनी संबंदीत अहवाल फुडले कारवाये खातीर जिल्होधिकार्या कडेन धाडून दिला. जिल्होधिकार्याच्या आदेशा प्रमाण पार्लर विरोधांत फुडली कारवाय पुलीस करतले.
मजगतीं, फाटल्या 6 जून दिसा हणजूण पुलिसांनी होली बेजील ह्या पार्लराचेर धाड घाल्ली आनी उपरांत जिल्होधिकार्याच्या आदेशा प्रमाण ह्या पार्लराक कुलूप लायिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
