भांगरभूंय | प्रतिनिधी
फुडारांत जावपी सय्यद मुश्ताक अली करंड टी-20 क्रिकेट सर्ती खातीर स्नेहल कवठणकाराक गोंय पंगडाच्या मुखेलपदाचेर कायम दवरला. पूण, जे पी अत्रेय करंड वन डे क्रिकेट सर्तींत खेळपी अमोघ देसायाक मात पंगडांत सुवात दिवंक ना.
गोंय क्रिकेट असोसिएशनान 20 वांगड्यांचो पंगड जाहीर केलो.
आदलो मास्टर ब्लास्टर सचिन तेंडुलकराचो पूत दावखुरो फास्ट बॉलर अर्जुन तेंडुलकर, मुंबयचो अणभवी बॅट्समन सिद्धेश लाड आनी विकेटकीपर एकनाथ केरकार ह्या गोंया भायल्या खेळगड्यांचो आस्पाव केला.
गोंयचो पंगड 11 ते 22 ऑक्टोबर ह्या कालावधीत वळेरेन त्रिपुरा, मणिपूर, हैदराबाद, पंजाब, उत्तर प्रदेश, दिल्ली आनी पुडुचेरी ह्या पंगडां आड खेळटलो.
गोंयचो पंगडः स्नेहल कवठणकार (मुखेली), दीपराज गांवकार, वैभव गोवेकार, सुयश प्रभुदेसाय, तुनीष सावकार, अमुल्य पांड्रेकार, दर्शन मिसाळ, अमित यादव, समर दुभाषी, फॅलिक्स आलेमांव, लक्ष्य गर्ग, ऋत्विक नायक, अर्जुन तेंडुलकर, एकनाथ केरकार, सिद्धेश लाड, ईशान गडेकार, आदित्य कौशिक, विश्वंबर कहलोन, वेदांत नायक आनी मोहित रेडकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
