भांगरभूंय | प्रतिनिधी
फेब्रुवारींतल्या तिसऱ्या सर्वोच्च तापमानाची नोंद
भांगरभूंय प्रतिनिधी
पणजी : हवामानांतल्या बदलाक लागून दिसान दीस राज्यांतलें तापमान वाडत आसा. सोमारा पणजे चडांत चड 37.9 अंश तापमान नोंद जाले. फेब्रुवारी म्हयन्यांतलें हें तिसरे सगळ्यांत चड तापमान आसा.
पणजेत 7 एप्रील 1989 दिसा 39.8 अंश तापमान नोंद जाल्ले. राज्यांतलें सगळ्यांत चड तापमान 39.8 अंश आसा. सोमारा जे तापमान नोंद जालां, ते नोंदी पळयल्यार धावे सगळ्यांत चड तापमान आसा.
21 फेब्रुवारी 2009 दिसा पणजेत 39.2 अंश तापमानाची नोंद जाली. 29 फेब्रुवारी 1984 दिसा 38 अंश जाल्यार 20 फेब्रुवारी 1999 दिसा 37.7 अंश तापमानाची नोंद जाल्या. 9 फेब्रुवारी 2001 रोजी 37.4 अंश तापमान नोंद जाल्ले.
दिसाचें तापमान वाडत आसले तरी रातची शीं पडटा. हाका लागून गांवगिऱ्या वाठारांत दंव पडटा. तापमानांतलो फरक वाडलो काय तापमानांत 2 अंशाची वाड जातली, असो अदमास हवामान खात्यान उक्तायला. अंदूं शीं उसरा सुरू जाली. तरी लेगीत जानेवारीच्या निमाण्या सप्तकां मेरेन शीं आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
