भांगरभूंय | प्रतिनिधी
गोंयांतलो सिलिंडराचो दर 1013.50 रुपया
पणजी : घरगुती गॅस सीलिंडराचो दर 50 रुपयानी वाडिल्ल्यान गोंयांत आतां सीलिंडरा खातीर 1013.50 रुपया फारीक करचे पडटले. दूद दरांत वाड जाले उपरांत 14.2 किल घरगुती गॅस सीलिंडराचो दर वाडिल्ल्यान म्हारगाय तेंगशेर पावल्या. हो दर वगळून विक्रेते डिलिवरी चार्जेस वेगळे घेतात. हाका लागून सीलिंडरा खातीर 1020 रुपया फारीक करचे पडटले.
जानेवारींत घरगुती गॅस सीलिंडराचो दर 913.50 रुपया आशिल्लो. 22 मार्चाक दर 50 रुपयांनी वाडलो. हाका लागून गोंयांत सीलिंडराचो दर 963.50 रुपया जाल्लो.
देड म्हयन्या उपरांत घरगुती गॅसाच्या दरांत परतून 50 रुपयांनी वाड जाल्या. गोंयांत आतां सीलिंडराचो दर 1013.50 रूपया जाला, अशी म्हायती विक्रेत्यानी दिली.
इंधनाच्या दरांनी जाल्ली वाड आनी उपरांत गरेच्या घरगुती गॅसीच्या दरांत वाड जाल्ल्यान हो सर्वसामान्य लोकांक धपको आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
