भांगरभूंय | प्रतिनिधी
170 विद्यार्थ्यांचो आसपाव: ज्येश्ठ व्यक्तींचो केलो भोवमान
पणजी: सारस्वत ब्राह्मण समाजा वतीन हालींच गुणेस्त विद्यार्थ्यांचो भोवमान सुवाळो मिनेझीस ब्रागांझा हॉलांत व्हडा उमेदीन मनयलो. कोविडाक लागून फाटलीं दोन वर्सां ही कार्यावळ जावंक नाशिल्ली. ताका लागून फाटलीं तीन वर्सां मेळून वट्ट 170 गुणेस्तांचो ह्या वेळार भोवमान केलो.
प्राचार्य रुपा एस. प्रभू खोपे ह्या सुवाळ्याक मुखेल सोयरे म्हणून हजर आशिल्ले. तांचे हस्तुकीं सगळ्या गुणेस्तांचो भोवमान जालो. ह्या वेळार रुपा प्रभू खोपे हांणी मार्गदर्शन केलें.
आपापल्या मळाचेर बरी कामगिरी केल्ल्या ज्येश्ठ अशा कर्तृत्वान व्यक्तींचो ह्या वेळार सारस्वत ब्राह्मण समाजाचे अध्यक्ष अॅड. अवधूत नायक हांचो अमिता नायक सलत्री हस्तुकीं शाल, श्रीफळ, यादस्तीक भेटोवन भोवमान केलो. हातूंत नामनेचे वकील अॅड. नितीन सरदेसाय हांचो तशेंच म्हापशेंचे एक दांतांचे डॉ. अतुला सुहर्ष उसगांवकार हांचो आसपाव आशिल्लो. अॅड. नितीन सरदेसाय हांणी ह्या वेळार आपले विचार मांडले.
सुरवातेक तनिशा शेणवी मावजेकार हांणी स्तवन सादर केलें. हे भोवमान समितीन अध्यक्ष अॅड. सचीन देसाय हांणी येवकाराचें उलोवप केलें. अध्यक्ष अॅड. अवधूत सलत्री हांणी प्रस्तावीक केलें.
हे बसकेचे अध्यक्ष के. डी. भट हांणीय ह्या वेळार भाशण केलें. प्रदीप जोशी आनी सुभाष नायक हांणी भोवमान केल्ल्या मानेस्तांची वळख करून दिली. सुरज मंत्रवादी हांणी उपकार मानले. हे पुराय कार्यावळीचें निवेदन केल्ल्या अमिता नायक सलत्री हांचो मुखेल सोयर्यां हस्तुकीं भोवमान केलो. राज शिरवंयकार आनी तेजा फेणाणी हांणी पुरस्कृत केल्लीं विशेश इनामां ह्या वेळार भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
