भांगरभूंय | प्रतिनिधी
भांगरभूंय । पत्रक
पणजीः मातृछाया आनी पणजी रोटरी कल्ब मीड-टावन हांच्या सहायता होम कॅर नर्सींग प्रशिक्षण केंद्रांतल्यान पास जाल्ले 13वे आनी 14वे बॅचीक प्रमाणपत्रां वितरीत करपाची कार्यावळ हालींच पणजे शारांत जाली. गोंय प्रदेश भाजपा अध्यक्ष तशेंच अर्थीक उदरगत म्हामंडळाचो (ईडीसी) चॅरमन सदानंद शेट तानावडे ह्या वेळार मुखेल सोयरे म्हणून हाजीर आशिल्लो. वट्ट 20 विद्यार्थ्यांक ह्या वेळार तानावडे हांचे हस्तुकीं प्रमाणपत्रां दिलीं.
तानावडे हांणी पणजी रोटरी क्लब मीड-टावनाची समाजाक उपेग पडपी उपक्रम चालीक कामां खातीर तोखणाय केली. कल्बाचो अध्यक्ष सिद्धा सरदेसाय हांणी आपल्या येवकाराच्या भाशणात कल्बाच्या साक्षरताय, सुधारणा, सहायता आनी नितळसाण तशेंच संजीवनी ह्या उपक्रमाची म्हायती दिली.
सहायताचे प्रोजेक्ट चॅर संतोष शेट्ये हांणी सहायता उपक्रम कसो चालीक लायतात ताचो तपशील सांगलो. डॉ शशिकला सहकारी हिणे मातृछाया आनी रुग्णाशय हाची म्हायती दिली. मातृछाया सहायता होम कॅर नर्सींग प्रशिक्षण केंद्र ही रोटरी क्लब मीड-टावनाची सामाजीक सेवा प्रकल्प आसा. पात्र विद्यार्थ्यांक ह्या सेंटरांत मुफत होम कॅर नर्सिंगाचें शिक्षण दितात. 6 म्हयन्यांचो हो निवासी अभ्यासक्रम आसा. तातूंतले 3 म्हयने बांबोळेच्या गोंय वैजकी हॉस्पिटलांत प्रत्यक्ष प्रशिक्षण घेवचें पडटा. 8वी पास जाल्ल्यांक तशेंच 18 तें 45 वर्सां पिरायेच्यांक अभ्यासक्रमाक प्रवेश घेवपाक मेळटा. कार्यावळीच्या निमाणे मिलिंद साखरदांडे हांणी सगल्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
