भांगरभूंय | प्रतिनिधी
नवें तंंत्रज्ञान हाडपा विशीं भलायकी मंंत्र्याची भासाभास
पणजी : दिसान दीस सगल्या वाठारांनी नवीन तंंत्रज्ञानाचो वापर वाडत आसा. तंंत्रज्ञानाक लागून भलायकी सेवेंत बदल जायत आसा. कांय दिसांंनी सरकारी हॉस्पिटलांंनी लेगीत डीजीटल प्रिस्क्रीप्शनाची पद्दत येतली. हे विशींचें तंंत्रज्ञान ‘वंंडर एक्स’ कंंपनीन तयार केलांं. दुयेंतींची म्हायती तशेंच वखदांंचे प्रिस्क्रीप्शन डीजीटल पद्दतीन दिवप सुरू जातलें.
भलायकी मंंत्री विश्वजीत राणे, गोंय वैजकी म्हाविद्यालयाचे डीन डॉ. शिवानंंद बांंदेकार आनी वंंडर एक्स कंंपनीचे अधिकारी पंंकज सिंंधू, पंंकज अगरवाल आनी सायरस कंत्राटदार हांंचें मदीं बसका जाली. हे बसकेंत डीजीटल प्रिस्क्रिप्शन आनी तंंत्रज्ञानाचेर भासाभास जाली. सरकारी हॉस्पिटलांंनी कांय दिसांंनी डीजीटल प्रिस्क्रीप्शन ही नवी पद्दत सुरू जातली, अशें भलायकी मंंत्री विश्वजीत राणे हांंणी सांंगलें.
वंंडर एक्स कंंपनीचे अधिकारी तशेंच गोंय वैजकी म्हाविद्यालयाचे डीन डॉ. शिवानंंद बांंदेकार हांंचे कडेन मुळावी भासाभास जाल्या. ह्या तंंत्रज्ञानाक लागून भलायकी वाठारांत नवी क्रांंती जावप शक्य आसा. गोंयच्या भलायकी सेवेंत हे तंंत्रज्ञान येतलें, अशें भलायकी मंंत्री विश्वजीत राणे हांंणी सांंगलें. भलायकी सेवेंत नव्या तंत्रज्ञानाक लागून सुदारणा जायत आसा. नवीन उपकरणांं येत आसात. आतां प्रिस्क्रीप्शन तशेंच म्हायती नोंद करपाचे पद्दतीत लेगीत बदल जातलो.
सरकारी हॉस्पिटलांनी जातलो डीजीटल पेनाचो वापर
सध्या सगले दोतोर पेनान प्रिस्क्रीप्शन बरोवन दितात. पेशंटांची म्हायती हॉस्पिटलांंनी पेनान हातान बरयतात. उपरांत ती संंगणकाचेर टायप करची पडटा. नव्या तंंत्रज्ञाना मदीं ‘डीजीटल पेन’ आनी ‘एन्कोडेड पेपर सोल्यूशन’ आसतले. डीजीटल पेनान कागदाचेर बरयले उपरांंत अक्षर टायप केल्ले भशेन दिसतले. पेनान खूब बरयले उपरांत हात दुखतात. ह्या तंंत्रज्ञानाच्या वापरान हात दुखचें ना. दुयेंतींची म्हायती संंगणकाचेर टायप करची पडची ना. डीजीटल पेनाच्या आदारान बरयले उपरांंत अक्षरा टायप केले भशेन येतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
