भांगरभूंय | प्रतिनिधी
खंवटेः गोंयचें संगीत, संगीताकारांक प्राधान्य
पणजी : गोंयांत सनबर्न महोत्सव आयोजीत करपाक सरकारान आयोजकांक तत्वता मान्यताय दिल्या. पूण ह्या महोत्सवांत गोंयचें संगीत आनी गोंयकार संगीतकारांक प्राधान्य दिवपाची अट घातल्या, तांणी ती मान्य केल्या, अशी म्हायती पर्यटन मंत्री रोहन खंवटे हांणी बुधवारा पत्रकारां कडेन उलयतना दिली.
मुख्यमंत्री डॉ. प्रमोद सावंत हांचे अध्यक्षते खाला जाल्ले पर्यटन मंडळाचे बसके उपरांत मंत्री खंवटे पत्रकारां कडेन उलयताले.
गोंयांत दरवर्सा आयोजीत सनबर्न महोत्सवांत घडपी गैरकृत्यांक लागून हो महोत्सव रद्द करपाची मागणी थळाव्यां कडल्यान जाताली. हे फाटभुंयेर बुधवाराचे बसकेंत सनबर्न महोत्सवा विशीं कितें निर्णय घेतला, अशें पत्रकारांनी विचारले, पर्यटनाचे नदरेन सनबर्न सारको महोत्सव जावप गरजेचें. पूण अंदूं महोत्सव आयोजीत करतना तातूंत थळावे संगीत आनी संगीतकारांक प्राधान्य दिवपाची अट आयोजकांक घातल्या. तांणी ती मान्य केल्या, अशें मंत्री खंवटे हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
