भांगरभूंय | प्रतिनिधी
खबरां संस्था
चँगवॉगः भारताच्या ऐश्वर्य प्रताप सिंहान शेनवारा आयएसएसएप संवसारी नेमबाजी सर्तींत 50 मीटर रायफल थ्री पोझिशन प्रकारांत भांगरा पदक मेळयलें. 21 वर्सां पिरायेच्या ऐश्वर्यान फायनलींत 2018चो युवा ऑलिम्पीक जैतिवंत हंगेरीच्या झलान पेकलराक 16-12 अशें हारयलें. ज्युनियर संवसारी जैतिवंत ऐश्वर्यान पात्रताय फेरयेंत 593 गुण मेळयल्ले. हे तांचे दुसरें संवसारीक भांगरा पदक आसा. हाचे पयलीं ताणे नवी दिल्लींत भांगरा पदक मेळयल्लें.
मध्य प्रदेशाच्या ऐश्वर्यान भारताच्या खात्यांत चवथ्या भांगरा पदकाची भर घातल्या. भारताक 4 भांगराची, 4 रुपप्यांची आनी 1 कांस्या पदक मेळून वट्ट 9 पदकां आतां मेरेन मेळ्ळ्यांत. 2019च्या संवसारीक भांगरा पदक जैतिवंत मनू भाकराक बायलांच्या 25 मीटर पिस्तूल प्रकारात पदक मेळपाक शकलें ना. ताका चवथ्या नंबराचेर खोशी रावचें पडलें. संवसारीक सर्तींत रुप्या पदक मेळोवपी अंजून मुदगिलान बायलांच्या 50 मीटर रायफल थ्री पोझिशन प्रकारांत फायनलींत प्रवेश केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
