भांगरभूंय | प्रतिनिधी
खबरां संस्था
मुंबयः भारतीय खो खो म्हासंघान आशियाई आनी संवसारीक खो खो सर्ती खातीर पेंगट बांदलां. आशियाई खो खो सर्तीक 13 ऑक्टोबर सावन आनी पयली संवसारीक खो खो सर्त 16 ऑक्टोबराच्यान दिल्ली हांगा सुरवात जावपाची आसा. हे सर्तीं खातीर भारतीय पंगड वेंचून काडपा खातीर भारतीय खो खो म्हासंघाचो म्हासचीव डॉ चंद्रजीत जाधव हांच्या फुडारपणा खाला निवड समिती जाहीर केल्या.
महाराष्ट्र खो खो असोसिएशनाचो सचीव गोविंद शर्मा हांची कार्याध्यक्ष आनी सचीन गोडबोले हांची वांगडी म्हणून नेमणूक केल्या. उपकार सिंग (पंजाब), एसएस मलीक (दिल्ली), डॉ मुन्नी जून (दिल्ली) आनी सुषमा सारोलकार (मध्य प्रदेश) हे निवड समितीचे वांगडी आसात.
सद्या पुणे हांगच्या छत्रपती शिवाजी खेळां संकुलांत प्रशिक्षण शिबीर सुरू आसा. पुराय देशांतले 120 खेळगडे थंय प्रशिक्षण घेतात. खो खो सर्ती खातीर भारतीय पंगड टप्प्या टप्प्यान वेंचून काडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
