भांगरभूंय | प्रतिनिधी
भांगरभूंय । प्रतिनिधी
केपें: पाडादेग शिरवय केप्यां एका कुळागरांत मेल्ले अवस्थेंत बिबटो मेळ्ळो. बिबटो कोणेतरी लायिल्ल्या फांसात आडकून ताका मरण येवपाचीय शक्यताय आसा.
केपें रान खात्याच्या अधिकाऱ्यांनी दिल्ले म्हायती प्रमाण पाडादेग शिरवयच्या एका कुळागरांत मेल्ले अवस्थेंतलो बिबटो गांवच्या लोकांक दिसलो. ताची म्हायती थळाव्या लोकां कडल्यान रान खात्याक दिली.
ते उपरांत बिरेस्तारा सकाळीं रान खात्याचे अधिकारी मिंगेल फर्नांडीस, विक्रमादित्य गांवकार, हरीष सांगोडकार, मोबीन, उदय सांवड्डेंकार हांणी घडणुकेचे सुवातेचेर वचून पंचनामो केलो आनी पोस्टमार्टम केलो. मात ताचो रिपोर्ट अजून येवंक ना.
बिबटो हो नर 5 ते 6 वर्सांचो आसा. रान खात्या कडल्यान फुडलो तपास चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
