भांगरभूंय | प्रतिनिधी
शिक्षण खात्याचें सरकारी शाळांक परिपत्रक
भांगरभूंय I प्रतिनिधी
पणजी : शिक्षक आशिल्ल्याचे सांगून बोगस शिक्षकांनी शाळांनी प्रवेश करचो न्हय, हे खातीर शिक्षकांच्या फोटो सयत तांची म्हायती शाळांनी सगल्यांक दिसतली अशें पद्दतीन लावची, अशें परिपत्रक शिक्षण खात्याचे संचालक शैलेश झिंगडे हांणी सगल्या सरकारी शाळांक जारी केलां.
नव्या शिक्षणीक धोरणाचे फाटभुंयेर प्रधानमंत्री नरेंद्र मोदी हांणी देशभरांतल्या शाळांक अशा प्रकारच्यो सुचोवण्यो कांय म्हयन्यां पयलीं केल्ल्यो. बरेचे खेपे शिक्षक नाशिल्ले व्यक्ती आपूण शिक्षक आशिल्ल्याचे सांगून शाळांनी प्रवेश करतात. तांचे कडल्यान थंय वायट कृत्यां घडपाची शक्यताय आसता. ताका लागून शाळांनी शाळेंतल्या सगल्या शिक्षकांचे फोटो आनी तांची म्हायती सगल्यांक दिसतली अशें पद्दतीन लावची, अशी सुचोवणी प्रधानमंत्री मोदी हांणी केल्ली.
प्रधानमंत्र्यांच्या सुचोवणे प्रमाण शिक्षण संचालक झिंगडे हांणी परिपत्रक जारी करून राज्यांतल्या सगल्या सरकारी शाळांक हे विशीं निर्देश जारी केल्यात. राज्यांतल्या सगल्या भागशिक्षणाधिकाऱ्यांनी ह्या निर्देशांची अंमलबजावणी करची, अशें निर्देश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
