भांगरभूंय | प्रतिनिधी
फोंडेंः माधवराव ढवळीकार ट्रस्टा वतीन 28 जुलयाक नागेशी, कुर्पासवाडो आनी धोंडशी वाठारांत विजेच्या उच्च दाबाक लागून लुकसाण जाल्ल्या लोकांक लुकसाण भरपाय दिली. ह्या वेळार वीज मंत्री सुदिन ढवळीकार, ट्रस्टाचे मिथील ढवळीकार, वीज खात्याचे कार्यकारी अभियंत अरूण पाटील, सहाय्यक अभियंते केशव गावडे, अनंत नायक आनी थळावे लोक हाजीर आशिल्ले.
माधवराव ढवळीकार ट्रस्टाचे मिथील ढवळीकार हांचे हस्तुकीं लुकसाण भरपाय दिली. 28 जुलय दिसा रातीं 10 वरांच्या सुमाराक विजेचो दाबव वाडिल्ल्यान वाठारांतल्या लोकांच्या घरांतलीं विजेचेर चलपी यंत्रणा लासून गोबर जाल्लीं.
हातूंत कुर्पासवाडो हांगाची अनुराधा काणकोणकार हांच्या घरांत शॉर्ट सर्कीट जाल्ल्यान उजो लागून अदमाशेक पांच लाख रुपयांचें लुकसाण जाल्लें. फोंडेंच्या उजो पालोवपी दळान आनी थळाव्या तरणाट्यांनी घराक लागिल्लो उजो पालयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
