भांगरभूंय | प्रतिनिधी
काणकोण: स्वाभिमानी जागृत काणकोणकार, कोणकोणचे ज्येश्ठ नागरीक, जनसेना वॉरियर्स आनी व्हिजन अॅण्ड मिशन प्रोगेसिव्ह काणकोणचे वांगडी हांणी काणकोण रेल्वे स्टेशनार पयस वचपी रेल्वे गाडयो थांबोवपाच्या आंदोलनाचो नियाळ घेतलो.
रेल्वे स्टेशनार मोर्चा व्हेले उपरांत आनी निवेदन सादर केले उपरांत संबंदीत रेल्वे अधिकाऱ्यांनी आंदोलकांक रोखड्या रोखडो प्रस्न सोडोवपाचें आस्वासन दिवन लेगीत आयज मेरेन कांयच जाल्लें ना. हे बसकेक स्वाभिमानी जागृत काणकोणकार, ज्येश्ठ नागरीक, जन-सेना वॉरियर्स आनी व्हिजन अॅण्ड मिशन प्रोगेसिव्ह काणकोणचे सुमार 30 वांगडी हाजीर आशिल्ले.
ह्या प्रकरणाचो नियाळ घेतले उपरांत कांय ज्येश्ठ नागरिकांनी रेल्वे प्राधिकरण, थळावे आमदार, दक्षीण गोंयचे खासदार आनी सरकारा आड तिडक उक्तायल्या.
न्याय मेळ मेरेन लढो दिवपाची खर इत्सा वांगड्यांनी उक्तायली. बसके उपरांत वांगड्यांनी काणकोण रेल्वे स्टेशनाक भेट दिली आनी काणकोणां रेल्वे गाडयो थांबोवपाचो उच्च अधिकाऱ्यांनी कसलोय निर्णय बी घेतला हाची चवकशी केली. ह्या वेळार अनील भगत, शांताजी नायक गांवकार, जनार्दन भंडारी, शुभम कोमरपंत, दिलखूश शेट, उल्हास पै भाटीकार, सुभाष शेट, ईश्वर विजयन, सिद्धार्थ गायक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
