भांगरभूंय | प्रतिनिधी
भांगरभूंय । खेळां मेज
पणजीः रुमी प्रिन्टर आनी अजीत सैल हांणी गद्रे गास्पार डायस उक्ते टेनीस सर्तीचे व्हेटरन्स गटांत दोट्टींत वस्तादपण मेळयलें. तांणी संजय अशहर आनी आनी जयदीप वाकरणकार जोडयेक दोन आड एक सेटात हारयलें. 60 वर्सा पिराये वयल्या गटांत रफीक खोटून महेश केशवाक 6-3, 6-4 अशें हारयलें.
रुमी आनी अजीतान पयलो सेट 4-6 असो वोगडायले उपरांत दुसरो सेट 6-3 असो जिखलो आनी तिसऱ्या निर्णायक सेटांत 10-8 अशें जैत मेळोवन वस्तादपण मेळयलें.
बाकीच्या सेमीफायनलीच्या मॅचींत रफीक खोतून शेन्तीव्हेलन हाका आनी महेश केशवान मनोज चंद्रिमणीक हारयलें. अमीत तांबे आनी हेमांशू वेर्णेकारान जैत मेळयलें. तांणी दरेकी आश्विन चांडक आनी नरेंद्र पवार हांका हारयले. मॅची गास्पार डायस आनी पणजी जिमखाना कोर्टार जाल्यो.
व्हेटरन्स 120 दोट्टीचे सेमीफायनलींत रफीक के मनोज जोडयेन भारत-अन्सारी जोडयेक आनी पृथ्वी नायक-अकिंता गौर जोडयेन काशीतेज गर्ग- अंजली फिलीम जोडयेक हारयलें.
गद्रे गास्पार डायस टेनीस सर्तीच्या उक्ते गटांतल्यो मॅची सोमाराच्यान सुरू जावंन 5 फेब्रुवारीक सोपतल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
