भांगरभूंय | प्रतिनिधी
विमला पै साहित्य पुरस्कार – प्रकाश पर्येकार
कोंकणी कविता कृती पुरस्कार – आर. एस. भास्कर
पणजी : मंगळूरांतल्या कोंकणी भास आनी संस्कृती प्रतिष्ठानान दिल्ले पुरस्कार जाहीर जाल्यात आनी ह्या वर्साचो विमला पै विश्व कोंकणी जीवन सिध्दी पुरस्कार म्हालगडो कोंकणी संगीतकार रामानंद रायकाराक जाहीर केला.
विमला पै विश्व कोंकणी साहित्य पुरस्कार कथाकार प्रकाश पर्येकाराक जाल्यार विमला पै विश्व कोंकणी कविता कृती पुरस्कार केरळातील कोंकणी कवी आर. एस. भास्कर हांची घोशणा केल्या.
ह्या केंद्रान दिल्ले डॉ. पी. दयानंद पै विश्व कोकणी रंगश्रेष्ठ पुरस्कार कासरगोडच्या नाटककार श्रीनिवास राव आनी डॉ. पी. दयानंद पै विश्व कोंकणी अणकार पुरस्कार रमेश लाडाक जाहीर केला. बस्ती वामन शणै सेवा पुरस्कार प्रकाश क्रास्ता आनी शकुंतला अजीत भंडारकार हांकां जाहीर केला.
केरळचे कोंकणी कवी आर एस भास्कर हांका चैत्र कविता झेल्या खातीर विमला पै विश्व कोंकणी कविता पुरस्कार फावो जाला. 1 लाख रूपया आनी स्मृतीचिन्ह अशें पुरस्काराचे स्वरूप आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
