राजेंद्र आर्लेकार बिहारचे राज्यपाल

भांगरभूंय | प्रतिनिधी

भांगरभूंय I प्रतिनिधी
पणजी : गोंयचो सुपूत राजेंद्र आर्लेकार हांची बदली हिमाचल प्रदेशांतल्यान बिहारच्या राज्यपाल पदाचेर जाल्या. राष्ट्रपती भवनांतल्यान तांच्या नव्या नेमणुकेचो आदेश जारी जाला. राजेंद्र आर्लेकार हे वट्ट 19 म्हयने हिमाचल प्रदेशाचे राज्यपाल आशिल्ले.
गृहमंत्री अमीत शाह आनी राष्ट्रपती द्रोपदी मुर्मू हांणी जो म्हजेर विस्वास दाखयला तो योग्य थारावपाचो यत्न हांव करतलो. राज्यपालपदाचें काम सगली डेन सारकेच आसता. हिमाचल प्रदेशा परस बिहार हे व्हड राज्य. पूण व्हड वा ल्हान राज्य अशें काय नासता. राज्यांची भौगोलीक स्थिती तशेंच समस्या वेगळ्यो आसतात, अशें बिहार राज्यपालपदाचेर नेमणूक जाले उपरांत राजेंद्र आर्लेकार हांणी सांगलें.
13 जुलय 2021 दिसा राजेंद्र आर्लेकार हांणी हिमाचल प्रदेश राज्यपालपदाचो सोपूत घेतिल्लो. 19 म्हयने ते हिमाचल प्रदेशाचे राज्यपाल आशिल्ले. हिमाचल प्रदेशांत विधानसभा वेंचणूक जावन सत्ता बदल जालो. काँग्रेसीचें सरकार सत्तेर येवन सुखविंदरसिंग सुखू मुख्यमंत्री जाले. आतां राज्यपाल राजेंद्र आर्लेकार हांची बिहार राज्यपाल पदाचेर बदली जाल्या.
13 राज्यांनी नव्या राज्यपालांची नेमणूक

  1. लेफ्टनंट जनरल कैवल्य त्रिविक्रम पारनाईक, पीव्हीएसएम, यूवायएसएम, वायएसएम (निवृत्त)- अरुणाचल प्रदेश, 2. लक्ष्मण प्रसाद आचार्य – सिक्कीम, 3. सी. पी. राधाकृष्णन – झारखंड, 4. शिव प्रताप शुक्ला – हिमाचल प्रदेश, 5. गुलाबचंद कटारिया – आसाम, 6. न्यायमूर्ती (निवृत्त) एस. अब्दुल नझीर – आंध्रप्रदेश, 7. विश्व भूषण हरिचंदन – छत्तीसगड, 8. श्रीमती अनुसुया उकिये – मणिपूर
  2. गणेशन – नागालँड, 10. फागू चौहान – मेघालय, 11. राजेंद्र विश्वनाथ आर्लेकर – बिहार
  3. रमेश बैस महाराष्ट्र, 13. लेफ्टनंट ब्रिगेडियर (निवृत्त) डॉ. बी. डी. मिश्रा – लडाख