भांगरभूंय | प्रतिनिधी
खबरां संस्था
लंडनः रशिया आनी युक्रेन ह्या पंगडां मदीं चालू आशिल्ल्या झुजाचो परिणाम वर्साची तिसरी ग्रॅण्ड स्लॅम सर्त विम्बल्डनांत दिसपाक लागल्यात. ग्रास कोर्टाचेर जावपी हे प्रतिश्ठीत टॅनीस सर्तींत रशियेच्या खेळगड्यांक वांटो घेवपाक बंदी घाल्या.
रशिया आनी युक्रेन ह्या देशां मदीं चालू आशिल्ल्या झुजाक दोन म्हयने जाल्यात. रशियेचे वृत्तीचेर संवसारांतले साबार देश बेजार आसात. युक्रेनाचो शेजारी देशी बेलारूस लेगीत रशियेक मजत करीत आशिल्ल्यान ताच्या खेळगड्यांचेर लेगीत विम्बल्डनांत खेळपाक बंदी घाल्या.
आयोजकांच्या ह्या निर्णया उपरांत संवसारीक क्रमवारींत दुसरे सुवातेर आशिल्लो डॅनील मेदवेदेव आनी बेलारुसाची विक्टोरिया अझारेंका अंदूंच विम्बल्डनांत खेळटना दिसचीं नात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
