म्हादयचेर बेशिस्त उलोवचें न्हय : मुख्यमंत्री

भांगरभूंय | प्रतिनिधी

अयोग्य वक्तव्यांक लागून गोंयचे याचिकेचेर परिणाम जावपाची भिरांत

कर्नाटकाक नोटीस जारी केल्या

पणजी : लोकशायेंत दर एकल्याक विचार स्वातंंत्र्य आसलें तरी म्हादयचेर बेशिस्त उलावचे न्हय. म्हादय प्रस्नाचेर उलयता आसतना दर एकल्यान जापसालदारकीन उलोवचें. बेशिस्त उलयल्यार सर्वोच्च न्यायालयांत गोंंयचे यचिकेचेर वायट परिणाम जावप शक्य आसा, अशी शिटकावणी मुख्यमंंत्री डॉ. प्रमोद सावंंत हांणी दिल्या. विधानभवनांत विधिकार दिसाचे कार्यावळींत मुखेल सोयरे हे नात्यान ते उलयताले.

विधानभवनांत सोमारा विधिकार दिसाची कार्यावळ जाली. ह्या वेळार मुख्यमंंत्र्यांंनी म्हादयचेर सविस्तर उलोवप केलें. म्हादयचेर उलोवपाक वा सभा घेवपाक कोणेच बंंदी घालूंक ना. आयतारा आझाद मैदानार व्हड सभा जाली. दर एकल्यान जापसालदारकीन उलोवपाची गरज आसा. म्हादय प्रस्नाचेर सरकार गंंभीर आसा. कर्नाटकान जो डीपीआर तयार केला ताका गोंंय सरकार विरोध करतलें. डीपीआराची मान्यताय फाटीं घेवपाची मागणी सरकार करतलें. ते भायर कर्नाटकाक राना संंरक्षण कायद्या खाला नोटीस जारी केल्या. कळसा प्रकल्पा खातीर कर्नाटकान जे उदक घुंवडायलां तें परतून म्हादय न्हंंयेंत हाडटले. म्हादयचें उदक वाटावपा खातीर सरकार सगले तरेचे यत्न करतलें अशें मुख्यमंंत्र्यांंनी सांंगलें.

म्हादयच्या उदकाचेर नदर दवरपा खातीर म्हादय उदक प्राधिकरण स्थापन जावपाची गरज आसा. म्हादय उदक प्राधिकरणाची मागणी सरकार लावन धरतलें. अशें मुख्यमंंत्र्यांंनी सांंगलें.

सरकारान 2012 उपरांंत एकाय नव्या कसिनोक मान्यताय दिवंंक ना. राज्यांतल्या जमनीची जतनाय जावपाक जाय. जमनीचे जे कितें प्रस्न आसात ताचेर विधानसभेंत चर्चा जावपाची गरज आसा अशें मुख्यमंंत्र्यांंनी सांंगलें.

सगल्या मतदारसंंघांचे उदरगती कडेन सरकाराचें लक्ष आसा. उदरगतींत सरकार कसलोच भेदभाव करिना. मोपा विमानतळा सयत जुवारी पुलाची एक बाजू उक्ती जाल्या. विमानतळाक लागून राज्याक फुडाराक येणावळ येतली. जुवारी पुलाक लागून येरादारीच्या कोंयंडीचें प्रमाण उणें जालांं अशें मुख्यमंंत्री डॉ. प्रमोद सावंंत हांंणी सांंगलें.

आमदारांंनी आपूण कसो वेंचून आयला ताचो विचार करिनासतना कोणा खातीर वेंचून आयला, ताचो विचार करचो, अशें हिमाचल प्रदेशाचे राज्यपाल राजेंद्र आर्लेकार हांंणी सांंगलें. तांचे ह्या वेळार उलोवप जालें. सभाघरात स्पिकींंग फॉर गॅलरीज असो विशय आसता. आमदारांंनी गॅलरी खातीर उलोवचे न्हय जाल्यार प्रस्नाचेर उलोवचें. राज्याचे उदरगतीत आमदार तशेंच मंंत्र्यांंचें मोलादीक योगदान आसता. आदले आमदार वा मंंत्री हांंची भाशणांं आयकून आमदारांंनी अभ्यास करपाची गरज आसा. सभाघराचे नेम तशेंच परंंपरा हाचो अभ्यास करून आमदारांंनी सभाघरांत विशय मांंडपाची गरज आसा. सभाघरांत विशय मांंडपाचेर मर्यादा आसता. ह्या मर्यांदांंचें उल्लंंघन जावपाक जायना. सभाघरांत दरेकी आमदाराक उलोवपाचो अधिकार आसता मात हौदात प्रवेश करपाचो नासता. सभाघराचे नेम वा शिस्तीक पाळो दिवन जनतेचे वा राज्याचे प्रश्न मांंडपाचे कसब आमदारा कडेन आसपाक जाय. दोतोर, वकील वा चालकाक जशी प्रशिक्षणाची गरज आसता, तशाच प्रशिक्षणाची गरज आमदाराक आसता. आमदार जावपाक कसलेंच प्रशिक्षण लागना, हो गैरसमज आसा. सभाघरांतली कामगिरी सुदारपा खातीर आमदारांंनी प्रशिक्षीत जावपाचे आवाहन राज्यपाल राजेंद्र आर्लेकार हांंणी केलें.

विचार स्वातंंत्र्या सयत पर्यावरणाच्या

जतनायेची गरज : युरी आलेमांंव

लोकशाय घटमूट करपा खातीर विचार स्वातंंत्र्य तिगोवन दवरपाची गरज आसा. म्हादयचो प्रस्न गंंभीर आसा. म्हादयच्या उदकाची जतनाय करपा सयत पर्यावरणाचो सांंबाळ जावपाची गरज आसा. सगल्या मतदारसंंघाची उदरगत करपा सयत घुंवळे वखदां सावन गोंंय मुक्त करपाचे आव्हान आसा अशें युरी आलेमांंव हांंणी म्हणलें.

सभापती रमेश तवडकार हांंचे भाशण जालें. राज्याचे उदरगतींत आतां मेरेनचे आमदार तशेंच मंंत्र्यांंचो मोलादीक वांटो आसा. म्हादय प्रस्ना सयत म्हत्वाच्या विशयांंचेर सभाघरांत चर्चा जावपाक जाय अशें सभापती रमेश तवडकार हांंणी सांंगलें.

आदले आमदार आनी मंंत्री पांंडुरंंग रावत, शिवदास शेट वेरेंकार तशेच तिओतीन परेरा हांंकां विधिकार दिसाचे कार्यावळीत आर्गां ओंपलीं.

ज्येश्ठ वांंगड्यांंचो भोवमान

आदले मुरख्यमंंत्री लुईझीन फालेरो आनी आदले आमदार हर्कुलन दोरादो हांंचो ह्या वेळार भोवमान जालो. दिलखूश देसाय, माँत क्रुज हे गैरहाजीर आशिल्ले. विधिकार मंंचा वतीन तांंचो घरा भोवमान जातलो.

युरी आलेमांवाच्या भाशणाची तोखणाय

हिमाचल प्रदेशाचे राज्यपाल राजेंद्र आर्लेंकार तशेंच मुख्यमंंत्री डॉ. प्रमोद सावंंत हांंणी विरोधी पक्ष फुडारी युरी आलेमांव हांच्या भाशणाची तोखणाय केली. युरी आलेमांव हांंचो फुडार उज्वल आसा. भाशणांतल्यान तांंणी महत्वाचे मुद्दे मांंडले अशें राज्यपाल राजेंद्र आर्लेकार हांंणी म्हणलें.