भांगरभूंय | प्रतिनिधी
खांडेपारा पोरण्यां पुलार दोन ट्रकां मदीं अपघात
फोंडें: मुर्डी-खांडेपारा काल (मंगळारा) दनपारां स्कूटर आनी दुचाकी हांचे मदीं जाल्ल्या अपघातांत वट्ट तीग जाण जखमी जाले. अपघातांत जखमी जाल्ले प्रकाश सतरकार (खांडेपार), आळशी परवार आनी सरीता परवार (निरंकाल, बेतोडें) हांकां अदीक उपचारा खातीर 108 अॅम्ब्युलन्सींतल्यान जिल्हो हॉस्पिटलांत दाखल केले.
थळाव्यांनी दिल्ले म्हायती प्रमाण जीए 05 एच 6297 क्रमांकाची स्कूटर घेवन प्रकाश सतरकार खांडेपाराचे दिशेन वतालो. मुर्डी हांगा पावतकूच विरुद्ध दिशेन आयिल्ल्या जीए 05 एच 7935 क्रमांकाचे दुचाकीचो धपको स्कुटरीक बसलो. अपघातांत जखमी जाल्ल्या तिगांकूय 108 अॅम्ब्युलन्सींतल्यान हॉस्पिटलांत दाखल केले. उपजिल्हो हॉस्पिटलांत उपचार घेतले उपरांत जखमींक घरा धाडून दिलं.
मजगतीं, खांडेपारा पोरण्यां पुलार दनपारां तीन वरांचेर दोन ट्रक आनी एक स्कूटर हांचे मदीं अपघात जावन पोरण्यां पुला वयली येरादारी ठप्प जाली. अपघाताक लागून येरादारी नव्या पुला वयल्यान वळयली. उसगांवचे दिशेन वचपी दोन ट्रकाचे फाटल्यान वचपी स्कूटर चालक सुखरूप वाटावलो. अपघाताक लागून फोंडें-उसगांव वाठारांतली येरादारी नव्या पुला वयल्यान वळयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
