भांगरभूंय | प्रतिनिधी
मल्ल सागर धनकर हत्या प्रकरणांत दिल्ली न्यायालयान ऑलिम्पीयन सुशील कुमार आनी हेर 17 जाणां आड साबार कलमां खाला आरोप निश्चीत केल्यात.
सुशील सयत 18 जाणां आड खून, खुनाचो यत्न, दंगल, बेकायदेशीर सभा आनी गुन्यांवकारी कट रचप आदी कलमां खाला आरोप निश्चीत केल्यात. तशेंच न्यायालयान दोन फरार आरोपीं आड आरोप निश्चीत केल्यात.
4 मे 2021क सागर धनकर नांवाच्या मल्लाक दिल्लीच्या छत्रसाल स्टेडियमांत बरीट मारपेट केल्ली. ह्या पुर्ण प्रकरणाचो एक व्हिडियो मुखार आयिल्लो. ते उपरांत दिल्ली पुलिसांनी खर मेहनती उपरांत मल्ल सुशील कुमार आनी ताच्या कांय वांगड्यांक अटक केल्ली. ते उपरांत पुलिसांनी गुन्यांव दाखल करून सुशील कुमार आनी ताच्या वांगड्यांक अटक केल्ली. सध्या दिल्ली न्यायालयांत ह्या प्रकरणाची सुनावणी चालू आसा.
दिल्ली पुलिसांनी सुशील कुमार यत 20 जाणांक आरोपी केल्यात. तातूंतल्या 18 आरोपींक पुलिसांनी अटक केल्या. ह्या प्रकरणांतले दोन आरोपी सध्या फरार आसात. तांचो सध्या सोद चालू आसा. मेळिल्ले म्हायती प्रमाण ह्या प्रकरणांत सुमार 170 पानांचें आरोपपत्र आसा. तातूंत 1000 पानांचें संलग्नीकरण आसा. म्हणल्यार वट्ट 1100 पानांचें आरोपपत्र दाखल केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
