भांगरभूंय | प्रतिनिधी
भांगरभूंय प्रतिनिधी
पर्वरीः ल्हान पिरायेर म्हायती तंत्रगिन्यानाच्या मळार (आयटी) चमक दाखोवनी गितेश नायक हांचे नासुआ आनी बहामाचे येसस्वी भोंवडे खातीर पर्वरीचो आमदार आनी पर्यटन मंत्री रोहन खवंटे हांणी गितेश नायक हाका परबीं भेटयलीं. गितेशान आयटी मळार जी कामगिरी करून दाखयल्या ते देख दिणी आसा. भुरग्यांनी आनी तरणाट्यांनी ताचे पसून खूब कितें शिकपा सारकें आसा. आयटी मळार तेंगशेर वचपाची तांची तांक आसा. ते खातीर ताका उर्बां आनी फावो ती माची मेळपाक जाय अशें खवंटे हांणी सांगलें.
14 वर्सां पिरायेचो गितेश पणजेच्या पीपल्स हायस्कुलांत 9वी यत्तेंत आसा. संवसारीक नामनेच्या विद्यापिठाचे कोर्स ताणे पुराय केल्यात. उद्देगाकडेन संबंदीत आशिल्ली उत्पादन ब्लॉकचेन सुरू केल्या. ब्लॉकचेन तज्ज्ञ आनी ब्लॉकचेन कावंसिलाकडल्या प्रमाणपत्रां मेळोवपी तो सामको ल्हान पिरायेचो ब्लॉकचेन तज्ज्ञ थारला. ताचो यूट्यूब चॅनल आसा. ताचे 17000 हजार सब्रस्क्रायर आसात. नासुआ आनी बहामा परिशदेंत वांटेकार जातकूच ताचे फॉलोवर 31 हजारां वयल्यान पांच दिसांत 34,800 पावल्यात.
एमआयटी, स्टॅण्डफोर्ड, कॅलटॅक आनी हेर टॉप इंजिनियरींग इन्स्टिट्यूटांच्या सर्तकां वागडा गितेश नायकान “हॅकर हावस” कार्यावळींत वांटो घेतलो. बिल्डिंग ऑन सोलाना हे ब्लॉकचेन परिशदेंत ताणे वांटो घेवून चर्चा केली. ताका प्रसिद्धी माध्यमांनी खूब प्रसिद्धी दिली. सध्या तो सोलना लॅबाक जॉयन जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
