भांगरभूंय | प्रतिनिधी
खबरां संस्था
नवी दिल्लीः बर्मिंगहॅम हांगा जावपी राष्ट्रकुल खेळां सर्ती खातीर जाहीर केल्ल्या भारताच्या स्क्वॉश पंगडांत 14 वर्सां पिरायेच्या अनाहत सिंगाक सुवात दिल्या. दिल्लीच्या हे खेळगडीन 15 वर्सां सकयल्ल्या गटांत चमकदार कामगिरी करून सगल्यांचें लक्ष ओडून घेतल्लें. हालींच ताणे जर्मनी हांगचे सर्तींत वस्तादपण मेळयल्लें जाल्यार जून म्हयन्यांत आशियाई किताब मेळयल्लो. हे कामगिरीच्या नेटार तिका भारतीय पंगडांत सुवात मेळ्ळ्या. दादल्याचे दोट्टींत वेलावन सेंथिलकुमार आनी अभय सिंग हांका राष्ट्रकुलांत पदार्पण करपाची संद मेळटली.
भारतीय पंगडः दादले एकोडी- सौरव घोषाल, रमीत टंडन, अभय सिंग. बायल एकोडी- ज्योश्ना चिनप्पा, सुनना कुरुविल्ला, अनाहत सिंग. बायल दोट्टी- दीपिका पल्लिकल, ज्योश्ना चिनप्पा,. मिश्र दोट्टी- सौरव घोषाळ- दीपिका पल्लिकल, रमीत टंडन- ज्योश्ना चिनप्पा. दादले दोट्टी- रमीत टंडन- हिरदरपाल सिंग संधू, वेलवान सेंथिलकुमार- अभय सिंग
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
