भांगरभूंय | प्रतिनिधी
भांगरभूंय । प्रतिनिधी
मुरगांवः भारतीय जनता युवा मोर्चा (बीजेवायएम) वतीन आयतार 19 फेब्रुवारीक आत्ल दाबोळी हांगां चले आनी चलयां खातीर पयली अखील गोंय बँच प्रेस चॅम्पियनशीप सर्त आयोजीत केल्या. ही सर्त आयोजीत करून तरणाट्यां मदीं खेळाची परंपरा आनी अॅथेलेटिक मूल्यां जागोवपाचो आमचो यत्न आसा अशें बोगमळो पंचायत मंडळाचो सरपंच संकल्प महाले एके पत्रकार परिशदेंत सांगलें.
चले आनी चलयां खातीरची ही पयली अखील गोंय बँच प्रेस चॅम्पियनशीप सर्त आत्ल दाबोळी हांका 19 फेब्रुवारीक सकळी 8.30 वरांचेर सुरू जातली. ज्युनिअर चले, सिनियर चले आनी चलयां खातीर उक्ती सर्त जातली. 17 फेब्रुवारी मेरेन सर्तीत वांटो घेवपाक मेळटलो. सगल्या पंगडां खातीर प्रवेश फी 300 रुपया आसा.
हिंदवी स्वराज्याचे संस्थापक छत्रपती शिवाजी म्हाराज हांचे जयंती दिसा भाजयुमोन ही सर्त तरण्यां मदीं धैर्य, शूरवीरपण आनी आत्मविश्वास तयार करपा खातीर आयोजीत केल्या. पुराय गोंयांतल्यान हे सर्तींत पंगड वांटेकार जातले असो विश्वास महाले आनी चिखली पंचायतीची सरपंच ऐश्वर्या कोरगांवकार हिणे उक्यायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
