भांगरभूंय | प्रतिनिधी
खबरां संस्था
बर्मिगहॅमः इंगल्डांत सुरू आशिल्ल्या रााष्ट्रकुल खेळां सर्तींत भारतान लॉन बॉल खेळांत पयलेच फावट फायनलींत प्रवेश केलो. ताका लागून ह्या पंगडाचें रुप्या पदक निश्चीत जालां. खेळाच्या चवथ्या दिसा भारतीय पंगडाची ही कामगिरी केन्नाच न्हय ती सामकी बरी जाली.
भारतीय चलयांचे फोर टिमीन उपांत्य फेरयेंत न्युझिलंडाचेर 16-13 अशी मात केली. मॅचीत सुरवेक सावन भारतीय पंगडाक बरी कामगिरी करपाक जमलें ना. मात उपरांत तांणी आक्रमक खेळ करून आघाडी घेतली. 9वे लेग उपरांत दोनूय पंगड 7-7 अशे बोरोबोरीत आशिल्ले. 10व्या लेग उपरांत भारतान 10-7 अशी आघाडी घेतिल्ली. हे मॅचींत लवली चौबे, पिंकी, नयनमोनी सेकिया आनी रुपा राणी टिर्की हांणी प्रभावी कामगिरी करून भारताक जैत मेळोवन दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
