भारताची इतिहासीक कामगिरीः दोन ऑस्कर पुरस्कार

भांगरभूंय | प्रतिनिधी

‘द एलिफंट व्हिस्परर्स’ सर्वोत्कृश्ठ लघुपट, ‘आरआर’ चित्रपटांतले ‘नाटू नाटू’ सर्वोत्कृश्ठ साँग

लॉस एंजेलीसः अंदूं 2023चो 95वो ऑस्कर पुरस्कार सुवाळो लॉस एंजेलिसांतल्या डॉल्बी थिएटरांत जालो. ऑस्कर हो कला मळार प्रतिश्ठीत पुरस्कार मानतात. जिणेंत एकदा तरी हो पुरस्कार आपणाक मेळचो अशी दरेक कलाकाराची इत्सा आसता. अंदूंचो ऑस्कर पुरस्कार सुवाळो भारता खातीर खासा थारला. भारताच्या तीन चित्रपटांक ऑस्करांत नामांकन मेळिल्लें. तातूंतल्या ‘द एलिफंट व्हिस्परर्स’ लघुपटाक सर्वोत्कृश्ठ लघुपटाचो पुरस्कार फावो जाला. जाल्यार एस.एस. राजामौली हांच्या ‘आरआरआर’ चित्रपटांतल्या ‘नाटू नाटू’ पदाक सर्वोत्कृश्ठ पदाचो ऑस्कर पुरस्कार फावो जाला.
अचीत जैन, गुनीत मोंगा निर्मीत आनी कार्तिकी गोन्साल्वीस दिग्दर्शीत ‘द एलिफंट व्हिस्परर्स’ लघुपट 41 मिण्टांचो आसा. ह्या लघुपटांत तामिनाडूच्या मुदुमलाई वाग प्रकल्पांतल्या एका कुटुंबाची कथा अधोरेखीत केल्या. दोन अनाथ हतींक हे कुटुंब पोसके घेता. विशेश म्हणल्यार कार्तिकी हांचो दिग्दर्शक म्हूण हो पयलोच लघुपट.
कार्तिकी गोन्साल्वीस आनी गुनीत मोंगा हांणी हो पुरस्कार स्विकारलो. भारताक हो पुरस्कार समर्पीत करता, अशें दिग्दर्शीका कार्तिकी हांणी म्हणलें.
‘हॉल आउट’, ‘हाउ डू यू मेजर अ इअर’, ‘द मार्था मिचेल इफेक्ट’, ‘स्ट्रेंजर अॅट द ग्रेट’ ह्या हेर घलुपटां कडेन ‘द एलिफंट व्हिस्परर्स’ची सर्त आशिल्ली.
मजगतीं, आमीर खानच्या ‘लगान’ चित्रपटाक 2002त ऑस्करचें नामांकन मेळिल्लें.
आरआरआर चित्रपटांतल्या ‘नाटू नाटू’ ह्या पदाक सर्वोत्कृश्ठ मूळ पदाच्या विभागांत नामांकन मेळिल्लें. तशेंच भारता कडल्यान धाडिल्ल्या ‘ऑल द ब्रीद्स’ हाका सर्वोत्कृश्ठ फिचल फिल्म विभागांत आनी ‘द एलिफंट व्हिस्परर्स’ हाका सर्वोत्कृश्ठ लघुपट विभागांत नामांकन मेळिल्लें.

ऑस्कर 2023’च्या जैतिवंतांची वळेरी
सर्वोत्कृश्ठ चित्रपटः एवरीथींग एवरीवेयर ऑल अॅट वन्स
सर्वोत्कृश्ठ अभिनेत्री : मिशेल योहेन
सर्वोत्कृश्ठ अभिनेता : ब्रेंडन फ्रेझर
सर्वोत्तम दिग्दर्शन : ‘एव्हरीथींग एव्हरीव्हेअर ऑल अॅट वन्स’
बेस्ट फिल्म एडिटींग : ‘एव्हरीथिंग एव्हरीव्हेअर ऑल अॅट वन्स’
बेस्ट साऊंड – टॉप गन: मेव्हरीक
बेस्ट अॅडॉपटेड स्क्रीनप्ले : वुमन टॉकिंग
बेस्ट ओरिजनल स्क्रीनप्ले : डॅनियल क्वान आनी डॅनियल शिनर्ट
बेस्ट डॉक्युमेंटरी लघुपट- द एलिफंट व्हिस्परर्स
बेस्ट विज्युअल इफेक्ट : अवतार-द वे ऑफ वॉटर
बेस्ट ओरिजनल स्कोर : ऑल क्वाईट ऑन दी वेस्टर्न फ्रंट
बेस्ट अॅनिमेटेड लघुपट – द बॉय, द मोल, द फॉक्स आनी द हॉर्स
सर्वोत्कृष्ट आंतरराष्ट्रीय फीचर फिल्म : ऑल क्वाईट ऑन दी वेस्टर्न फ्रंट
सर्वोत्कृश्ठ वेशभूशाकार : ब्लॅक पँथर
सर्वोत्कृश्ठ मेकअप आनी हेअरस्टाईल – द वेल
सर्वोत्कृश्ठ सिनेमॅटोग्राफी – जेम्स फ्रेंड
सर्वोत्कृष्ट लायव्ह अ‍ॅक्शन लघुपट – आयरीश गुडबाय
सर्वोत्कृश्ठ डॉक्युमेंट्री फिचर फिल्म – नवलनी
सर्वोत्कृश्ठ सहाय्यक अभिनेत्री : जेमी ली कर्टिस
सर्वोत्कृश्ठ सहाय्यक अभिनेता : के हुई क्वान
सर्वोत्कृश्ठ अ‍ॅनिमेटेड लघुपट – पिनोकियो