भांगरभूंय | प्रतिनिधी
अभिषेक वर्मा, रजत चौहान आनी अमन सैनी ह्या भारताच्या दादल्यांच्या कम्पावण्ड तिरंदाजी पंगडान संवसारीक करंड सर्तीच्या पयल्या टप्प्यांतले उमळशीक वाडोवपी फायनलींत फ्रान्स पंगडाक हारोवन भांगरा पदक जिखलें.
फायनलींतल्या पयल्या सेटांत भारताचो पंगड प्रतिस्पर्धी पंगडा कडल्यान 56-57 अशा फरकान फाटीं पडलो. पयल्या सेटा उपरांत फ्रान्स पंगडान आपलो उत्कृश्ठ खेळ चालूच दवरलो. भारताचो पंगड एका वेळार 113-116 असो फाटीं पडिल्लो. पूण, भारतान हिम्मत हारूंक ना. ताणें जबरदस्त पुनरागमन करीत तिसरो सेट 60-58 गुणांनी जिखून स्कोर 173-174 असो केलो.
ते उपरांत भारताच्या खेळगड्यांनी फाटीं वळून पळोवंक ना. चवथ्या सेटांत भारतान 59चो स्कोर केलो. जाल्यार फ्रान्साच्या पंगडाक 57 स्कोर करप शक्य जालो. अशे करेन भारतान एका गुणाची आघाडी घेत भांगरा पदक जिखलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
