भांगरभूंय | प्रतिनिधी
भांगरभूंय । प्रतिनिधी
पणजीः भारतीय ऑलिम्पीक असोसिएशनान 36व्या राष्ट्रीय खेळां सर्तीचें येजमानपद गोंय राज्याक दिनास्तना गुजराताक दिल्ल्यान गोंयांतल्या भाजपा सरकाराक राष्ट्रीय खेळां परस राजकी खेळांत चड रस आसा हें दिसून आयलां अशी टिका आम आदमी पक्षाच्या युवा विभागाचे राष्ट्रीय उपाध्यक्ष सिद्धेश भगत हांणी केल्या.
2008 वर्सा ही सर्त गोंयांत आयोजीत करपाचें थारल्लें. हे गजालीक 14 वर्सां जालीं तरीय सरकाराक हे सर्तीचें आयोजन करपा खातीर मुळाव्यो सुविधा तयार करपाचें जमलें ना. सध्याचो खेळां मंत्री गोविंद गावडे हाणी आदल्या खेळां मंत्र्याच्या पावलार पावल दवोरनास्तना फिफा अंडर- 17 चलयांची संवसारीक करंड सर्त गोंयांत आयोजीत करपा खातीर मुळाव्यो सुविधा तयाक करपाचेर लक्ष दिवचें अशें भगत हांणी मागलां.
2016 वर्सा गोंयांत राष्ट्रीय खेळ आयोजीत करपाचो नि्र्णय जाल्लो मात सरकाराच्या घाळपणाक लागून ही सर्त आयोजीत करप शक्य जालें ना. पोरूं मुख्यमंत्री डॉ सावंत हांणी राष्ट्रीय खेळां सर्तीं खातीर गोंय सज्ज आसा अशें जाहीर केल्लें. तरीय आसतना ऑलिम्पीक असोसिएशनाक ही सर्त गुजरातांत घेवची पडटा हाचे वयल्यान मुख्यमंत्र्यांचो दावो फटीचो आशिल्ल्याचें सत सामकार आयलां अशें आपाच्या युवा फाट्याचो अध्यक्ष अॅड अनूप कुडतरकारान म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
