भांगरभूंय | प्रतिनिधी
बेळगांवींतलें एक नामनेचें दोळ्यांचें हॉस्पिटल डॉ कोडकणी सुपर स्पेशॅलिटी आय सेंटरान बरी नदर मेळोवपा खातीर मोतीबिंदू शस्त्रक्रिया, रिफ्रॅक्टिव्ह शस्त्रक्रिया (LASIK, ICL) करपाक जर्मनींतल्यान आर्टिफिशियल इंटेलिजन्स तंत्रज्ञान ANTERION सुरू केलां. हें तंत्रज्ञान सुरू करून तांणी आपलो 23 वो वर्धापनदीस मनयलो. काॅर्निया शस्त्रक्रिया आनी मोतीबिंदूचेर अशी शस्त्रक्रिया करपी हें पुराय
उत्तर कर्नाटकांतलें एकमेव यंत्र आसा.
बेळगांवीचे आमदार अनिल बेणके हांणी उद्देजक रोहन जुवळी, आर के पाटील आनी जीआयटी गव्हर्निंग काउन्सिलाचे अध्यक्ष राजेंद्र बेळगांवकार हांचे हाजिरेंत एंटेरियन मशिनाचें उक्तावण केलें.
मशीना विशीं म्हायती दितना केंद्राचे मुखेल सल्लागार आनी एमडी डाॅ. शिल्पा कोडकणीन सांगलें की, एंटेरियन, आर्टिफिशियल इंटेलिजन्स सक्षम तंत्रज्ञानाच्या एकीकरणाक लागून मोतीबिंदू आनी दोळ्याच्या हेर शस्त्रक्रियांत सुक्ष्मताय आनी अचूकताय वाडल्या. गोंयकारांक शस्त्रक्रिये उपरांत चश्मे मुक्त आनी उत्कृश्ट नदर मेळपाची आस्त बाळगुची, असो उलो तिणें मारलो.
“ सगळ्या पिरायेच्या गटांनी ह्या तंत्रगिन्यानाचो फायदो दोळ्यांच्या वेगवेगळ्या समस्यां खातीर घेवंचो,” अशें सांगून डॉ कोडाकणी सांगलें. फाटल्या 23 वर्सां सावन डॉ कोडकानीचें दोळ्यांचें केंद्र, बेळगांवी, उत्तर कर्नाटक, गोंय आनी महाराष्ट्रांतल्या लोकांक सगळ्यांत बऱ्या दर्जाची सेवा दिता. मोतीबिंदू, रेटिना, लॅसिक, बालरोगविज्ञानाच्या समस्यांच्यो 1,65,000 परस चड शस्त्रक्रिया केल्यात,” अशें डॉ कोडकानी हांणी सांगलें.
उत्तर कर्नाटक आनी गोंयच्या लोकांक आतां चड पयस वचपाची गरज ना. दोळ्यांची जतनाय घेवपाच्या मळार सगळ्यांत बरी सुविधा हांगा सुरू जाल्या. फाटल्या 23 वर्सां सावन दोळ्यांची जतनाय घेवपाची सेवा अविरतपणान दिल्ले खातीर डॉ. शिल्पा आनी तिच्या पंगडान केल्ल्या यत्नांची हांव तुस्त करतां” अशें आमदार बेणके हांणी सांगलें.
राजेंद्र बेळगांवकार, रोहन जुवळी आनी हेरांनीय उलोवप केलें.
लुईस राॅड्रिगीश
86186 43958
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
