भांगरभूंय | प्रतिनिधी
भांगरभूंय । प्रतिनिधी
बेळगांवी : केएलएस गोगटे इन्स्टिट्यूट ऑफ टेक्नॉलॉजी हांणी डॅसॉल्ट सिस्टमेस फावंडेशन (ब्रांड नांव – ला फोंडेशन डॅसॉल्ट सिस्टेम्स ) हांचे वांगडा मेळून उत्तर कर्नाटक आनी गोंय वाठारांतल्या मुखेल एरोस्पेस आनी मेकॅनिकल इंजिनियरिंग उद्देगां वांगडा उद्देगीक अधिवेशन घडोवन हाडिल्लें. मुखेल उद्देग सहभागा सयत संयुक्तपणान आयोजीत केल्ली ही पयली अशी परिशद आशिल्ली, जाका लागून उद्देग- अकादेमी इको प्रणाली मुखारच्या अणभवी प्रतिभा आनी रोजगार तांक ह्या आव्हानांक तोंड दिवपाक एक मंच तयार जालो.
ह्या संमेलनाचे मुखेल सोयरे हेमंत गाडगीळ ( डॅसॉल्ट सिस्टम्स फावंडेशनाचे कार्यकारी संचालक) हांणी सांगलें की हो कार्यक्रम उद्देग आनी अकादेमी फुडाऱ्यां कडेन विस्तारान संवाद सादून तयार केला. ताचे वरवीं विद्यार्थ्यांक तांच्या प्रकल्पांच्या चौकटी वरवीं उद्देगीक वातावरण मेळोवपाक कशी मजत करची तशेंच मार्गदर्शना सयत आदार दिला. तशेंच विद्यार्थ्यांक उद्देग तयार करपाक उद्देग/ डोमेन तज्ञ तयार केला.
जीआयटीचे प्राचार्य डॉ जयंत किट्टूर हांणी येवकार भाशणांत म्हाविद्यालयांची क्रमवारी, सुविधा, मुळावी बांदावळ, प्लेसमेंट आनी इंटर्नशिप संद हांचे विशीं विस्तारान सांगलें. डॉ यू एन कलकुंद्रीकर हांणी आपल्या उलोवपांत उद्देग संस्था आनी जीआयटी मदलें अंतर भरपाची गरज हाचेर भर दिलो.
बेळगाम चेंबर ऑफ कॉमर्स आनी इंडस्ट्रीजचे अध्यक्ष रोहन जुवाली, पिएरांगेलो डिलुक्का (एमडी
लाटेकोएरे इंडिया) डॉ रवी गुत्तल (सीटीओ एक्विस) आनी हेर मानेस्त हाजीर आशिल्ले. ह्या अधिवेशनांत
ह्या वाठारांतले सुमार 60 उद्देजक
एरो आनी मेक डोमेन उद्देग हाजीर आशिल्ले. जीआयटीच्या
एरोनॉटिक खात्यान हें अधिवेशन घडोवन हाडिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
