भांगरभूंय | प्रतिनिधी
पणजी: बालभवना वतीन राज्य पांवड्यार ग्रीटींगकार्ड डिझाय्न सर्त शुक्रार, ता. 22 जुलयाक दनपरां 3 ते सांजचीं 5 ह्या वेळार पणजी, मडगांवां, फोंडें आनी दिवचल हांगा आयोजीत केल्या. ही सर्त गट अ-यत्ता 5वी ते 7वी, गट ब- यत्ता 8वी ते 10वी अश्या दोन गटांनी घेतले.
दिवाळी, नातालां आनी नवें वर्स, परंपरीक चित्रकला, आकर्शक सैमाचीं चित्रां, गोंयचे खंयचेय एके सुवातेचो सैमीक देखावो, फुलां, वालींचीं अशीं चित्रां भेटकार्डा खातीर काडूं येतात.
ही सर्त बालभवन, कांपाल, पणजी, रविंद्र केळेकार ज्ञानमंदिर, मडगांवां, गर्व्हमेंट हायस्कूल, डिसीआय फॅक्टरी लागसारा, विद्यानगर आकें, फोंडें, शांतादुर्गा हायस्कूल, दिवचल हांगा जातली.
सर्तीच्या प्रवेश अर्जाची तशेंच नेमा संबंदीची म्हायती लिंक बालभवन गोवा हे फेसबूक पेजीर दिल्या. तशेंच हे संबंधीचीं पत्रकां संबंदीत शाळा तशेंच संबंदीत संस्थांक इमेला वरवीं धाडल्यांत. प्रवेश अर्ज सादर करपाची निमाणी ता. 16 जुलय आशिल्ल्याचें कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
