भांगरभूंय | प्रतिनिधी
भांगरभूंय । प्रतिनिधी
फोंडेंः शापूर- बांदोडे हांगचे झोपडपट्टींत रावपी दोन पंगडात मंगळारा राती चाकू तशेंच सोऱ्या बाटल्यांनी मारपेट जाली. तातूंत एकलो जखमी जालो. फोंडें पुलिसांनी चार जाणांक अटक केल्या. आनीकूय काय जाणांक अटक जावपाची शक्यताय आसा.
मारपेट जावपाचो हो प्रकार मंगळारा राती 10.30च्या सुमाराक जालो. फुटिल्ली सोऱ्याची बाटली लागून जखमी जाल्याचेर जीएमसींत उपचार सुरू आसात. पुलिसांनी इलाही मुनोहली, तौसिफ नदाफ, मंजुनाथ चव्हाण आनी विश्वास चव्हाण ह्या तरणाट्यांक अटक केल्या.
पुलिसांनी दिल्ले म्हायती प्रमाण पंदरा दिसां पयलीं दोन पंगडांत झगडें जाल्लें. मंगळारा राती तांचें परत पेटलें. निरीक्षक विजयकुमार चोडणकार हांच्या मार्गदर्शना खाला उपनिरीक्षक सुजीत पिल्लय तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
