भांगरभूंय | प्रतिनिधी
ओपनर तमीम इक्बालाच्या (133चेर रिटायर्ड हर्ट) शेंकड्या नेटार येजमान बांगलादेशान श्रीलंके आड चालू आशिल्ले टॅस्टीच्या तिसऱ्या दिसा 3 विकेटी वगडावन 318 धांवड्यांचो घटमूट स्कोर उबारलो. श्रीलंकेन पयल्या डावांत 397 धांवड्यो केल्ल्यो. ताचे परस बांगलादेश अजून 79 धांवड्यांनी फाटीं आसा.
मजगतीं, बांगलादेशान काल आपलो पयलो डाव बिनबाद 76 धांवड्यां वयल्यान मुखार व्हेलो. तमीम 35 धांवड्यां वयल्यान मुखार व्हेलो आनी शेंकडो पुर्ण केलो. अखेरेक 133 धांवड्यांचेर तो रिटायर्ड हर्ट जालो. ताणें 217 बॉलांनी 15 चवके मारले. महमुदुल हसन 31 धांवड्यां वयल्यान मुखार खेळटना 58 धांवड्यो करून बाद जालो.
तिसऱ्या दिसाचो खेळ सोंपलो त्या वेळार मुशफिकुर रहीम 53 आनी लिटन दास 54 धांवड्यो करून खेळपट्टीचेर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
