बलराम चॅरिटेबल फावंडेशनाच्या घरांची फाल्यां बुन्यादी घालतले

भांगरभूंय | प्रतिनिधी

भांगरभूंय । प्रतिनिधी
काणकोणः श्री बलराम चॅरिटेबल फावंडेशना वतीन  गरीब आनी गरजू  व्यक्तीं खातीर बांदपाच्या श्रमधाम घरांचो व्युनादी फातोर मुख्यमंत्री डॉ प्रमोद सावंत हांचे हस्तुकी शेनवार 25 फेब्रुवारीक सांजे 5 वरांचेर बसयतले. हे खातीर चावडी हांगच्या गायतोंडें खेळां मैदानाचेर कार्यावळ आयोजीत केल्या.
कार्यावळीची येजमानकी गोय प्रदेश भाजपा अध्यक्ष सदानंद शेट तानावडे चलयतले.  आदलो खासदार नरेंद्र सावयकार, काणकोणचो नगराध्यक्ष रमाकांत नायक गांवकार ह्या वेळार हाजीर रावतले अशें रमेश तवडकार हाणे एके पत्रकार परिशदेंत सांगलें. ह्या वेळार काणकोण भाजपा मंडळाचो अध्यक्ष विशाल देसाय, सचीव दिवाकर पागी, खोतीगांवचो सरपंच आनंदु देसय, श्रीस्थळ सरपंच सेजल गांवकार, आगोंदची सरपंच फातिमा रोड्रिग्स, भाजपाचे दक्षीण गोंय उपाध्यक्ष महेश नायक, सरचिटणीस विशांत गांवकार,  दत्ता गांवकार, विनय तुबकी हाजीर  आशिल्ले.
दरेका घरा खातीर सुमार 8 तें 10 लाख रुपया खर्च येतलो. काणकोण मतदारसंघांतल्या दरेकल्यान 1 रुपया दिवंन एक दीस श्रमदान करचें अशें आवाहन तवडकारान आपल्या मतदारांक केलां. पंतप्रधान नरेंद्र मोदी हांची अंत्योदनय तत्व आनी मुख्यमंत्री डॉ सावंत हाची आत्मनिर्भर गोंय ही संकल्पना चालीक लायतना काणकोण मतदारसंघातली एकूय व्यक्ती निवाऱ्या बगर रावची ना असो विचार करून फुडल्या तेंपार 100 घांर बांदपाचो तवडकार हांचो मनोदय आसा. शेनवारा मुख्यमंत्र्यांचे हस्तुकीं आगोंद, पाळोळें, तारीर आनी अर्दफोंड हांगा घरांचो बुन्यादी फातर बसयतले.