भांगरभूंय | प्रतिनिधी
खबरां संस्था
बेलग्रेडः तीन संवसारीक पदकांचो आनी ऑलिम्पीक कांस्या पदकाचो मानकरी बजरंग पुनियाक संवसारीक चॅम्पियन कुस्ती सर्तींचे उपांत्यपूर्व फेरयेंत हार खावची पडली. भांगरा पदका पसून पयस उरिल्ल्या बजरंगाक आतां कांस्या पदका खातीर प्रतिस्पर्ध्यांचे फुडले कामगिरीचेर निंबून रावचें पडटलें. तशेंच सागर जगलन 74 किलो वजनाच्या गटांत कांस्या पदका खातीर खेळटलो.
संवसारीक कुस्ती सर्तींत बजरंगा कडल्यान सगळ्यांत चड आस्त आशिल्ली. 65 किलो वजनाच्या गटांतले उपांत्यपूर्व फेरयेंतले कुस्तींत ताका अमेरिकेच्या जॉन जिआकोमिलालीसाचें आव्हान स्विकारप शक्य जालें ना. एकतर्फी जाल्ले हे कुस्तींत बजरंग 0-10 अशे तंत्रिक गुणांचेर हारलो. पात्रताय फेरींत फुडें चाल मेळल्ल्या बजरंगान क्युबाच्या अल्जेंड्रो टोबीएराचेर 5-4 अशी मात करून उपांत्यपूर्व फेरयेंत प्रवेश केल्लो.
जिआकोमिलालीसा आडचे कुस्तींत बजरंगाच्यो हालाचली स्लो जाताल्यो. प्रतिस्पर्ध्याचो अदमास घेवन मागीर डाव खेळपी बजरंगाकती संद मेळ्ळी ना. बजरंगाक कांस्य पदका खातीर खेळपाक शकता मात ते खातीर लिआकोमिलालीसान फायनलींत प्रवेश करप गजजेचें आसा.
मगगतीं, सागर जगलन 74 किलो वजनाच्या गटांत इराणाच्या योनेस एमामीचोघाई आड कांस्य पदकाची कुस्ती खेळटलो. 97 किलो वजनाच्या गटांत सागरान मंगोलियाच्याा सुल्डखू ओलोनबायराचें आव्हान 7-3 अशें मोडून काडलें. हेर एके कुस्तींत विकीक स्तिर्त्त्झलंडाच्या सॅम्युएल शेरेर कडल्यान हार खावची पडली. अदूंचे संवसारीक कुस्ती सर्तींत बायलांच्या गटांत विनेश फोगोटान जिखल्लें कांस्या पदक सोडल्यान भारताच्या पदरांत निर्शेणीच पडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
