भांगरभूंय | प्रतिनिधी
-आमदार मायकल लोबो यांच्या प्रश्नाक मुख्यमंत्र्यांची जाप
पर्वरीः बंद पडिल्ल्याे सरकारी शाळांच्या इमारतींनी आंगणवाडी स्थलांतरीत करतले. भाड्याच्या घरांत खंयचीच आंगणवाडी उरची न्हय हे खातीर सरकार यत्न करता, अशें मुख्यमंत्री डॉ. प्रमोद सावंत हांणी सांगलें.
मंगळारा विधानसभा अधिवेशनांत आमदार मायकल लोबो हांणी प्रस्न काळांत विचारिल्ल्या प्रस्नाचेर मुख्यमंत्र्यान जाप दिली. केंद्र सरकारान राष्ट्रीय शिक्षण धोरण देशभर चालीक लावपाची सुचोवणी केल्या. ते प्रमाण सुरवातीच्या टप्प्यांत गोंयांत हें धोरण चालीक लायलां. पूण, शिक्षकांक हाचे खातीर प्रशिक्षण दिलां काय, असो प्रस्न लोबो हांणी विचारलो.
फावंडेशन पांवड्यार राष्ट्रीय शिक्षण धोरणाची अंमलबजावणी सुरू केल्या. 130 सरकारी प्राथमीक शाळांनी अभ्यासक्रम सुरु आसा. फुडल्या धा दिसांत थंय अतिरिक्त शिक्षक दितले, अशें मुख्यमंत्र्यानी सांगलें. हे खातीर प्राथमीक शाळेच्या 135 शिक्षकांक प्रशिक्षण दिलें. ते उपरांत आंगणवाडी शिक्षकांक प्रशिक्षण दिलां तशेंच उच्च माध्यमीक शिक्षकांकूय प्रशिक्षण दिलां. उच्च माध्यमीक अभ्यासक्रमां खातीर ‘दिश्टावो’ चॅनल सुरू केला. तातूंतल्यान भुरग्यांक शिक्षण दिवपाचें काम सुरू आसा. शाळा वेवस्थापनांकय हातूंत प्रशिक्षण दिलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
