भांगरभूंय | प्रतिनिधी
फोंडेंः फोंडेंच्या विठोबा देवळा कुशीक आशिल्ल्या एका इमारतीच्या तिसर्या माळ्या वयल्यान नाझिया शेख (बोणबाग, बेतोडें) ह्या 17 वर्सां पिरायेचे तरणाटेन उडी घेवन आत्महत्या केली. आत्महत्या केल्ली तरणाटी इकरावींत शिकताली. आत्महत्या करचे पयलीं नाझिया शेख आपल्या बापोल्याच्या घरा आयिल्ली. फोंडें पुलीस स्टेशनाचे उपनिरिक्षक नितीश काणकोणकार हांणी घडणुकेचो पंचनामो केला.
पुलीस निरिक्षक विजयकुमार चोडणकार हांणी दिल्ले म्हायती प्रमाण सोमारा सकाळीं नाझिया शेख हे तरणाटेन तिसर्या माळ्या वयल्यान उडी घेतली. जखमी जाल्ल्या नाझियाक उपजिल्हो हॉस्पिटलांत दाखल केली. पूण थंय दोतोरांनी तपासणी करून तिका मरण आयिल्ल्याचें जाहीर केलें.
नाझिया शेख हे तरणाटेन पांच दिसां पयलींच स्वताच्या दाव्या हातार सुरो मारून आत्महत्या करपाचो यत्न केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
