भांगरभूंय | प्रतिनिधी
नवी दिल्ली, खबरां संस्था ः प्रधानमंत्री सूर्य घर मुफत वीज येवजणेक एक वर्स पुराय जालां. 13 फेब्रुवारी 2024 दिसा ही येवजण सुरू जाल्ली. हे येवजणे खाला 1 कोटी कुटुंबांक दरेकीं 300 युनिट मुफत वीज मेळटा. तशेंच छप्पराचेर सौर पॅनल लावपी एक कोटी कुटुंबांक वर्सुकी 15 हजार रुपया उत्पन्न मेळटा. सरकाराच्या म्हणण्या प्रमाण, 27 जानेवारी 2025 मेरेन 8.46 लाख घरांक हे येवजणेचो फायदो जाला.
हे येवजणे खातीर सरकारान राष्ट्रीय पोर्टल सुरू केलां. तो स्थापीत करपाक, तुमी गिरायक पोर्टलाक भेट दिवन अर्ज करूंक शकतात. थंय तुमकां तुमचो गिरायक क्रमांक, नांव, पत्तो, आनी तुमकां स्थापन करपाक जाय आशिल्ल्या प्लांटाची क्षमताय अशी म्हायती भरची पडटली. डिस्कॉम कंपनीं हे तपशील सत्यापीत करतलीं आनी ही प्रक्रिया मुखार व्हरतली. सोलर पॅनल लावपी जायते विक्रेते पयलींच पोर्टलाचेर नोंदणी केल्ले आसात. तुमच्या आवडी प्रमाण खंयचोय विक्रेतो तुमी वेंचूंक शकतात. पॅनल स्थापन जाले उपरांत डिस्कॉम नेट मीटरिंग स्थापन करतले.
सौर प्रकल्प आनी डिस्कॉम नेट मीटरिंग स्थापन केले उपरांत ताचो पुरावो आनी प्रमाणपत्र पोर्टलाचेर अपलोड करतले. हाचे उपरांत सरकार डीबीटी खाला सबसिडीची पुराय रक्कम गिरायकाच्या खात्यांत हस्तांतरीत करतलें.
येवजणे खातीर गरजेचीं कागदपत्रां
आधार कार्ड
पत्त्याचो पुरावो
वीज बिल
उत्पन्न प्रमाणपत्र
मोबायल नंबर
बँक पासबुक
पासपोर्ट आकाराचो फोटो
रेशन कार्ड
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
